John 13 - Linjil i Yesu Krista Suñu Borom bi 1907

¹ Ba h͈ewte i njot ga lāta jot, Yesu ka h͈am ne wah͈tu am dikasi na ba mo di bayi aduna si dem fa Bay ba, naka mu sope won yos am ña neka chi aduna si, mu sopa len be cha muj ga.

² Te cha wah͈tu’ rêr, Seytane nak def on na jēg chi h͈ol i Judas Iscariot, dōm i Simon, mu or ko,

³ Yesu ka h͈am ne Bay ba joh͈ na yef yepa chi i loh͈o am, te juge won na cha Yalla, te di na dem fa Yalla,

⁴ Mu jog cha rêr ba, te sumi cholay am; te jel ser te lah͈asayo ko.

⁵ Cha ganou mu soti ndoh͈ chi ndap, te dôr di rah͈as i tank’ i talube ya, te fompa len ak ser ba mu lah͈asayo won.

⁶ Mu ñou fi Simon Peter itam. Mu ne ko, Borom bi, ndah͈ da nga rah͈as suma i tanka?

⁷ Yesu tontu te ne ko, Li ma def h͈amu la ko lēgi; wande di nga ko h͈ami cha ganou.

⁸ Peter ne ko, Do rah͈as suma i tanka muka. Yesu tontu ko, ne, Su ma la rah͈asul, do am bena cher chi man.

⁹ Simon Peter ne ko, Borom bi, dowul suma i tanka reka, wande itam suma i loh͈o ak suma bopa.

¹⁰ Yesu ne ko, Ku sangu on soh͈lawul a rah͈asu, ganou i tank’ am, wande set na be sotal: te yēn a set, wande dowul ñepa.

¹¹ Ndege h͈am on na ku ko ori; tah͈na mu ne, Yēn ñepa setu len.

¹² Ba mu rah͈as on sēn i tanka nak, te solati cholay am, te tōgati, mu ne len, Ndah͈ h͈am ngēn li ma len defal?

¹³ Yēn angi ma ôe Jemantalkat bi ak Borom bi: te wah͈ ngēn dega; ndege mā di kōku.

¹⁴ Mōtah͈ su ma rah͈ase sēn i tanka, man mi di sēn Borom ak Jemantalkat, yēn itam war ngēn di rah͈asante sēn i tanka ku neka ak morom am.

¹⁵ Ndege joh͈ nā len royukay, ndah͈ ngēn war a def itam niki ma len defal on.

¹⁶ Chi dega, chi dega, mangi len di wah͈, Jām upul Borom am; te yonent upul ka ko yōni on.

¹⁷ Su ngēn h͈ame yef yile, barkel chi yēn su ngēn len defe.

¹⁸ Dowul yēn ñepa lā wah͈: h͈am nā ña ma tan’ on: wande ndah͈ mbinda ma motaliku, Ka leka suma mburu yēkati na testan am chi man.

¹⁹ Ganou lile di nā len ko yēgal bala mu jot, ndah͈ bu mu jote, di ngēn gumi ne man la.

²⁰ Chi dega, chi dega, mangi len di wah͈, Ku nangu ku neka ka ma yōni, man la nangu; te ku ma nangu, mōm ka ma yōni on la nangu.

²¹ Ba Yesu wah͈e nōgule, mu jāh͈le chi nh͈el, te mu sēde, ne, Chi dega, chi dega, ma ne len, ne kena chi yēn di na ma ori.

²² Talube ya sêtante nañu, te fōgante ku mu wah͈.

²³ Bena cha i talube am angi cha tabul ba, ka Yesu sop’ on, di wēru chi den’ i Yesu.

²⁴ Simon Peter nak joh͈oñ ko, te ne ko, Wah͈ ñu kan la wah͈al.

²⁵ Mōm itam di wēru nōnule chi den’ i Yesu, ne ko, Borom bi, kan la?

²⁶ Yesu tontu, ne, Mō di ki ma joh͈i dogit i mburu bi ma h͈ōj. Ba mu h͈ōje dogit ba nak, mu jel ko te joh͈ ko Judas, dōm i Simon Iscariot.

²⁷ Te cha ganou dogit ba Seytane duga chi mōm. Tah͈na Yesu ne ko, Li nga def, def ko bu gou.

²⁸ Ken cha tabul ba nak h͈amul on lutah͈ mu wah͈ ko lōlu.

²⁹ Ndege ñena dēfe on nañu, ne naka Judas ame won mbus ma, Yesu nôn ko, Jendal lu ñu soh͈la chi h͈ewte gi; mbāte mu sarah͈ miskin yi.

³⁰ Mōm nak, ba mu nangu on dogit ba, mu gēna cha tah͈ouay: te gudi la won.

³¹ Ba mu gēne, Yesu ne, Lēgi nak Dōm i nit ka am na ndam, te Yalla am na ndam chi mōm.

³² Te Yalla di na ko magal chi bop’ am, te lēgi mu magal ko.

³³ H͈alel yu tut yi, wah͈tu wu new lā neki ak yēn. Di ngēn ma ūti: te naka ma wah͈ on Yauod ya, ne, Fa ma di dem, du len fa mun a dika; nōgule lā wah͈ chi yēn.

³⁴ Eble bu ês lā len di joh͈, ndah͈ ngēn sopante; naka ma len sope sah͈ yēn itam na ngēn sopante.

³⁵ Chi lile la ñepa di h͈ami ne yēn a di suma i talube, su ngēn sopante.

³⁶ Simon Peter ne ko, Borom bi, ana fo di dem? Yesu tontu, ne, Fa ma dem, do ma mun a topa lēgi; wande cha ganou ga di nga ma topa.

³⁷ Peter ne ko, Borom bi, ana lutah͈ be du ma la mun a topa be lēgi sah͈? Ngir you di nā tedal suma bakan.

³⁸ Yesu tontu, ne, Ndah͈ di nga tedal sa bakan ngir man? Chi dega, chi dega, ma ne la, Seh͈a ga du sab, be nga ma wēdi ñet i yōn.