John 12 - Linjil i Yesu Krista Suñu Borom bi 1907

¹ Yesu nak jurom ben’ i fan bala h͈ewte ga jot, dika cha Bethany, fa Lazarus nek’ on, ka Yesu dēkali won cha dē ga.

² Tah͈ on na ñu tōgal ko rêr fōfale; te Martha bukanēgu; wande Lazarus anga won cha ña denu ak mōm cha rêr ba.

³ Mariama nak indi bena libar i h͈êñh͈êñ bu jafe njēg lol, te diw ko cha i tank’ i Yesu, te fomp’ i tank’ am ak kouar am; be nēg ba fês ak h͈et i h͈êñh͈êñ ga.

⁴ Wande Judas Iscariot, kena chi i talube am, ka ko ori, ne,

⁵ Ana lu tēre won ñu jay h͈êñh͈êñ gōgule ñeta tēmēr i transu, ndah͈ ñu sarah͈ ko miskin yi?

⁶ Wah͈ on na lōlu, dowul ndege defa topato won miskin ya: wande ndege sachakat la won, te ame won mbūs ma, te jel la ñu def cha bir am.

⁷ Tah͈na Yesu ne, Bayi ko; ndig suma bes i sūl la ko dēncha.

⁸ Ndege miskin ya’ngi ak yēn sā su neka; wande man du len ma ami bel mos.

⁹ Lu bare cha Yauod ya dēga ne munga fa; te ñu dika, dowul ndig bop’ i Yesu reka, wande ndah͈ ñu gis Lazarus itam, ka mu dēkali won cha dē ga.

¹⁰ Wande i njīt i seriñ ya fēncho ndah͈ ñu rēy Lazarus itam;

¹¹ Ndege ngir mōm la jopa chi Yauod ya dem, te gum chi Yesu.

¹² Cha elek sa mbōlo mu rey ma ñou on cha h͈ewte ga, ba ñu dēge ne Yesu ange dika cha Jerusalem,

¹³ Ñu fah͈a i banh͈as i tir ya, te dem gatanduji ko, te h͈āchu ne, Hosanna: barkel chi ka di dika chi tur i Borom ba, mu di Bur i Israel.

¹⁴ Te Yesu, ba mu feke chambur i mbam suf, mu war ko, cha naka ñu bind’ on, ne,

¹⁵ Bul ragal, dōm i Zion ju jigen: sêtal, sa Bur ange dika, di tōg chi kou chambur i mbam suf.

¹⁶ Yef yōyu i talube am h͈amu ñu ko won bu jeka; wande ba Yesu ame won ndam am, ñu fataliku ne bind’ on nañu yef yōyu chi lu jem chi mōm, te defal on nañu ko yef yōyule.

¹⁷ Mbōlo ma itam ña nek’ on ak mōm ba mu ô on Lazarus cha bamel ba, te dēkali ko cha dē ga, sēde won nañu ko.

¹⁸ Lōlo tah͈ itam mbōlo ma dem gatanduji ko, ndege dēg’ on nañu ne mō def on koutef gōgale.

¹⁹ Pharisee ya nak wah͈ante chi sen bopa, ne, Gis ngēn ne munu len dara: aduna si topa nañu ko.

²⁰ Ñena chi wā’ Greece ya’nga won chi digante ña dem on a jāmu cha h͈ewte ga:

²¹ Ñile nak ñou fa Philip, ka juge won cha Bethsaida cha Galilee, te lāj ko, ne, Gōr gi, buga naño sêtsi Yesu.

²² Philip ñou te wah͈ Andrew: Andrew ñou ak Philip, te ñu wah͈ Yesu.

²³ Te Yesu tontu len, ne, Wah͈tu wi jot na be ba Dōm i nit ka di ami ndam.

²⁴ Chi dega, chi dega, mangi len di wah͈, Digfey pēp’ i dugup rotul chi suf si te dē, mu des bop’ am dal; wande su dēe, di na mēña mēñef yu bare.

²⁵ Ku sopa dūnd’ am, di na ko rēral; te ku bañ dūnd’ am chi aduna sile, di na ko dēncha be cha dūnda gu dul jêh͈.

²⁶ Su ma kena bukanēgo, na ma topa; te fu ma neka, fōfale la suma bukanēg di neki: su ma kena bukanēgo, mōm la Bay ba di magal.

²⁷ Suma fit nah͈arlu na lēgi; te ana lu ma war a wah͈? Bay bi, musal ma chi wah͈tu wile? Wande lōlo tah͈ ma dika chi wah͈tu wile.

²⁸ Bay bi, magalal sa tur. Bāt nak juge cha asaman, ne, Magal nā ko, te di nā ko magalati.

²⁹ Tah͈na mbōlo ma ña fa tah͈ou on te dēga ko, ne, Defa denu: ñenen ne, Ab malaka di wah͈ ak mōm.

³⁰ Yesu tontu te ne, Bāt bōba dowul ndig man la juge won, wande ndig yēn.

³¹ Ate’ aduna sile jot na: lēgi ñu gēne gelouar i aduna sile, te sani ko cha biti.

³² Te man, su ma yēkatiko chi suf si, di nā hēchi nit ñepa fi man.

³³ Wande lile wah͈ na ko mu tiki ne, ban melo dē la dēe.

³⁴ Mbōlo ma tontu ko, ne, Dēga nañu chi tauret bi ne Krista di na deka bel mos: naka nga wah͈e nak ne Dōm i nit ka ela na yēkatiku? Kan a di Dōm i nit kōku?

³⁵ Yesu ne len, Chi wah͈tu wu new la lêr gi di neka ak yēn. Doh͈ len bi ngēn ame lêr gi, ndah͈ lendem du len jot: ndege ku di doh͈ chi lendem gi du h͈am fu mo dem.

³⁶ Bi ngēn ame lêr gi, gum len chi lêr gi, ndah͈ ngēn mun a neka dōm i lêr. Yef yōyu la Yesu wah͈ on, te mu dem te nubu cha ñom.

³⁷ Wande ba mu def on koutef yu bare chi sēn kanam, gumu len chi mōm:

³⁸ Ndah͈ bāt i Isaiah yonent ba motaliku, ba mu wah͈ on, ne, Borom bi, kan a di gum suñu yēgle? te chi kan la loh͈o i Borom ba fêñu?

³⁹ Lōlo tah͈ on ñu munul a gum, ndege Isaiah wah͈ati won na, ne,

⁴⁰ Silmah͈alo na sēn i but, te degerlo na sēn h͈ol; ndah͈ ñu gisul ak sēn i but, te h͈am ak sēn h͈ol, te tūb, te ma weral len.

⁴¹ Yef yōyu la Isaiah wah͈ on, ndege gis on na ndam am; te wah͈ chi lu jem chi mōm.

⁴² Wande itam lu bare chi kēlifa ya gum on nañu chi mōm; wande ndig Pharisee ya wonewu ñu ko won, ndah͈ du ñu len gēne cha juma ja.

⁴³ Ndege sop’ on nañu teranga bu juge fi nit as teranga bu juge fa Yalla.

⁴⁴ Te Yesu h͈āchu te ne, Ku gum chi man, gumul chi man reka, wande chi mōm ka ma yōni on.

⁴⁵ Te ku ma sêt, sêt na ka ma yōni on.

⁴⁶ Da ma dika lêr chi aduna si, ndah͈ ku mu mun a don ku gum chi man du deka chi lendem.

⁴⁷ Te su kena dēge suma i wah͈, te defu len, mā ko atewul; ndege diku ma atesi aduna si, wande musal aduna si.

⁴⁸ Ku ma bañ, te nanguwul suma i wah͈, am na kena ku ko ate: bāt ba ma wah͈ on, mō ko ateji cha bes bu muje ba.

⁴⁹ Ndege wah͈u ma chi suma bopa, wande Bay ba ma yōni on, mō ma ebal lu ma war a wah͈, ak lu ma war a jemantal.

⁵⁰ Te h͈am nā ne eble am a di dūnda gu dul jêh͈: yef yi ma wah͈ mbōk, naka ma Bay ba wah͈e, nōgule lā wah͈.