Iberiu 2 - Buki Kimaasabaina

Yaubada Natuna imalatomota ada yava ivinibesoida, tauna ina livala tanuwokavatēdi

¹ E Natuna gagaina namlieta . Moe pasina tauna itoboineda Natunayana ina livala tanuwokavatedi, govila bei tasuláiga.

² Boi Yaubada ina livala anerose iivinidi sitalavaite Mosese yaina moe livala . Tuwo avatauwa neta boi sikapipilave, e idi kapipilovayadi tamo tamo adi katumapu sibabanedoko.

^3-4 Neta amo tauyadi idi kapipilova pasina liuna sibabane, e kita bei manakaeda neta yava gagaina valena takatae? Valayana boi ida Tomoya igimitalavaite go, tauyadi sigiiminove sikamoitamoe yaida. Ago valayana ana kamoitamo Yaubada nakae italavaite kidi taiyao ame nakae: Ina nuwonúwana goi aba kinana kainaaopaidi be ina kaiguyau tamo tamo tomota iivinidi. Manakae? Neta amo valayana taakatae, bei itoboineda liuna tasiyae? Geya! Tauna tayagoi valayana moe gagaina.

⁵ Ame moitamo. Livalayana tanuwokavāte. Poyapoya ame sinapuna vau imamaima adigedige go, manakae? Yaubada anerose itagonedi tuta amo tomota liliudi yaidi goi siilovina? Geya!

⁶ E bogina tayagoi goi Same italavaita avatau bei iilovina. Sameyana idigo kana, ‘Yaubada e, Tomota kaga bego manuna kunuwonúwana? Kaga unana kumatakaavateda?

⁷ Tuta kaakupina tauna kwaisobuye anerose sobuyekoidi goi ikaaiyaka. Go nava bei kukilagasi, e taimámina be wowoina kuvini.

⁸ Go kaga liliuna aena ogalaoina goi kuyatoidi kuvasobusobuyedi, tauna tauyana kaga liliuna bei ikalibubudi.’ Same 8:4-6 Tutayana idigo kana, ‘Kaga liliuna kuvasobusobuyedi’, moe ana yagoina geya tayaamo kaga ikesa bego geya ivasobusobuyeta. Ego ame tuta tagite ana kaigigita bego kaga liliuna aena ogalaoina goi nava geya ivasobusobuyedita.

⁹ E koroto tayamo tagite, Tauyana tuta kaakupina goi Yaubada ina anerose sobuyekoidi goi ikaisobuye. Moe Tauyana . Ina kámasa ana gedageda pasina Yaubada ikilagasi taimámina be wowoina ivini, e bei Yaubada ina kanuwóiya goi kita tomota liliuda manuda ámasa ilotowo.

¹⁰ Moitamo Yeisu itoboine ikámasa. Yaubadayana pasina be nakae toinina manuna kaga liliuna sikaaiyaka. Tauna itoboine ada yava ana Tokaimatana ina gedageda goi ikatubayasi bego ina nuwonúwana iguinuwe. Ina nuwonuwanayana bego kita ina bodao liliuda Yeisu ivakededa tana Yaubada ana tomoeeyalina goi tasiu.

¹¹ Yeisu itoboine ivakededa. Tauyana Tokimasaba be nakae kita kimaasabaida liliudakova unada tayamo, moe Tamada Yaubada, tuwo kita boda tayamo. Moe pasina tauna Tauyana ona geya imaemaeta ivasiyaneda

¹² tutayana Yaubada ilatuwoko idigo kana, ‘Yoim bei atalavaite segowo yaidi goi. Moe nakae im totugugunayao nauyayanaidi goi bei vesi yapali avesiye yaim.’ Same 22:22

¹³ Aiyuwoina ina numisa senao nakae manuna idigo kana, ‘Yau bei guna numisa Tauyana yaina goi ayato.’ Aiseya 8:17 Kana, ‘Yau amegu, gogómana taiyao boi Yaubada bogina inuumisegu iivinigu amatakavatedi.’ Aiseya 8:18

¹⁴ E tuwo kita gogomanayada liliuda ma sakavaida be ma ikaikaida, tauna Tauyana nakae sakava be ikaika ikotedi bego ina kámasa goi itoboine bei ámasa ana tolovina ina togaga itusaoli; tolovinayana moe .

¹⁵ Aiyuwoina ikote bego kita italigeida. Kita yawoida madabokina goi tamatoita bego ámasa ana tuta liuna tababane, e moe matoitayana boi go, bogina italigeida.

¹⁶ Bogina tayagoi Tauyana ima geya bego anerose ivaitedi, go sem ima kita Eberamo tubunao ivaiteda.

¹⁷ Moe pasina tauna itoboine Tauyana kaga liliuna goi imalatomota kita senao nakae bego ietonúwala toolagaina nuwokaapisina be Yaubada ina paisewa liliudi manudi, e bei kita ina bodao ida goyo inuwolidi.

¹⁸ Tauyana itoboine ivaiteda. Boi gedageda ilotowo tutayana aba vakakona ibabane. Tauna itoboine tauyadi adi kaba vakakona sibaabanedi ivaitedi.