Génesis 16 - Wanano OT Portions

Ahri quiti Agar ã jichʉ to macʉno Ismae ya quiti jira

¹ Abrã namono, Sarai sehe, tiro mehne jiparota, Abrãre pohna tibasaera tiha. Wiho mejeta cʉ̃coro, egipto masonore, to cahamacono cjʉaa tiha Agar wama tiricorore.

² Ã jiro Abrãre õ sehe niha: —Ñʉna mʉhʉ, Yawe yʉhʉre to pohna tichʉ yoaeraare. Ã jicʉ mipʉre yʉ cahamacono mehne jiga. Ticoro mehne mʉ pohna tichʉ, tinacã jiahca yʉ pohna cjihti —niha. To ã nichʉ tʉhoro, Abrã sehe: —Jai. Mʉ nino seheta yoaihtja —ni yʉhtiha ticorore.

³ To ã ni yʉhtiri baharo, Sarai sehe to cahamacono, egipto masono Agar wama tiricorore Abrãre, “Ahricoro jira mʉ namo cjihto” ni, wiaha. Canaã yahpare diez cʉhmari ti ji wahcãchʉ waro, ã wahaha.

⁴ Ã yoa Sarai to cahamaconore Abrãre to wiari baharo, tiro ticoro mehne ji, ticoro sehe nijinocã bocaa wahaha jʉna. Ã nijinocã bocaro, to pʉhtorocoro Sarai sehere, “Yaba cjihti jierara ahricoro” ni, tʉhotu dʉcaha. *****

¹⁵ Ã yoa Agar sehe cʉ̃irocã pohna tibasaha Abrãre. Tirocãre Abrã sehe “Ismae” ni, wamoaha.

¹⁶ Ismae to masa bajuari pjare Abrã sehe ochenta y seis cʉhmari cjʉariro jiha.