Éxodo 31 - Wanano OT Portions

Cohamacʉ to ya wʉhʉ macaa cjihtire yoahtirore beseha

¹ Ã yoa Yawe Moisere õ sehe ni yahu namoha:

² —Besalere jipihtia yʉ ya wʉhʉ macaa cjihtire yoahtiro cjihtore besehi yʉhʉ. Tiro Uri macʉno, Ur panamino, Judá cjiro ya curua macariro jira.

³ Tirore yʉ Catia Macariro Espíritu Santore wahi yʉhʉ. Yʉ ã wachʉ, tiro sehe paye baro ñʉhto noaare mijono marieno yoa mihnihtiro cjihto wahahre.

⁴ Ã jiro tiro uru mehne, plata wama tia comaa mehne, ã yoa bronce wama tia comaa mehne paye baro to yoachʉ, noano ñʉhto noaa dihta wijaahca tirore.

⁵ Tuhsʉ, tãa, wapa tia tãare taha, tí mehne paye baro to yoachʉ cʉ̃hʉre, noano ñʉhto noaa dihta wijaahca. Yucʉri mehne cʉ̃hʉre paye baro to yoachʉ, noano ñʉhto noaa dihta wijaahca tirore. Jipihtia tí mehne dohse jia paye baro ñʉhto noaare dahre mihnihtiro cjihtore besehi yʉhʉ tirore —ni yahu namoha Yawe Moisere. *****

¹⁸ Ã yoa Cohamacʉ tʉ̃cʉ Sinaí sohtoapʉ jiro, Moise mehne sʉhʉdu batoaha jʉna. Ã jiro tiro pʉa pjĩ, tãa pjĩnipʉ to dutiare to basi to joa õa pjĩnine Moisere wiaha.