Pisomi 6 - Gourmanchéma Bible1 Bi yanyanba yudaano yani siiga yanbu ke bi yiini leni yaa kogiditi n pia joma nii. Dafidi yanbu. 2 Li Miali Diedo, da waani nni fala a pabienli nni, Da faligi nni a pabiencianli nni. 3 Li Miali Diedo, gbadi npo mi niñima kelima n tadigi. Paagi nni Li Miali Diedo, kelima n coagi Ke n kpaba mo yoaligi. 4 N yama yagi hali boncianla. Hali u laa yogunu yo ke a baa koani leni nni Li Miali Diedo? 5 Li Miali Diedo goa ki cua ki faabi nni, Faabi nni kelima a *ŋanbili po. 6 Kelima mi kuuma nni, baa go tiadi apo. Bi tinkpiba n ban ye naanpo ŋme n baa pagi a yeli? 7 N ñiidi ñiidi ki coagi Ñiagu kuli n ninsiidi yen dua ki wudi N ninsiidi soangidi n duanu. 8 Li paboanli teni ke n nuni ñuagi. N yibalinba yabinu teni ke n nuni tadigi. 9 Fuadi mani n kani, yinba yaaba n tiendi yaala n ki tiegi kuli. Kelima Li Miali Diedo gba ke n mua ki figindi 10 Li Miali Diedo gbadi min mia o yaala Li Miali Diedo gba n jaandi. 11 I fe leni ti jawaandi baa cuo n yibalinba kuli Bi baa sudi ki guani puoli kelima i fe po. |
Gulmancema Bible © Bible Society of Burkina Faso, 2003.
Bible Society of Burkina Faso