Mise 2 - Gourmanchéma Bible

¹ Fala baa baa yaaba n dua bi duani nni, Ki kpaagi ki bogindi ban baa tieni yaa bonbiadila. Ku tiŋapanpangu bi yen tieni li bonbiadila yeni, Kelima bi pia li paalu.

² Bi fenli ban pia li nunponli bi lieba kuani yi yaa po, Bi fenli ban pia li nunponli bi lieba diedi yaadi yaa po. Bi mabindi bi niba leni bi diedi kuli. Ki fenli bi piama kuli.

³ Li tie lani yaa po ke Li Miali Diedo yedi yaa maama n tie na: «Diidi, n jagi ke n baa teni fala n baa yaa nibuolu n tie na. Yi kan fidi ki ciadi, Laa yogunu yi kan go fidi ki yaani yi yula Ki cuoni leni ti japaadi, Kelima u yogunu yeni baa bia.

⁴ Laa daali yi baa tua bi niba po li ñuali kpanjama. Yi baa wanli li paboanli wanli Ki yedi: ‹Bi ga ti diena cain. U Tienu puni nitoaba ti buolu biinu, Ŋain, o fie ti biinu O teni ti kuani ti yibalinba.›

⁵ Li tie lani yaa po ke yi puoliŋuani siiga oba kuli kan baa tinbiinu, Li Miali Diedo niba n baa goa ki boagidi yaa tinmu yeni yaa siiga.»

Yaaba n yiedi bi sawalipuaba maama

⁶ Bi tianba tua: «Cedi a macianma, Yua n yedi ke i fe kan lagidi ti tie yanluodaano.

⁷ Jakobo puoliŋuani, yin maadi yaa maama na dagidi bi? Naani Li Miali Diedo fiindi o pali tontoni bi? O maani ki tiendi yeni bi?» Naani n maama yeni ki tie yaama n mani, Yaaba n kubi mi *teginma po ka?

⁸ Li Miali Diedo yedi yi: «Hali yogu yi fii ki sedi ki tua n niba yibalinba. Yi fenli yaaba n ñani bu toabu po Ki kpendi ke bi yama dua yaa kpaligolikaadi.

⁹ Yi deli ki ñandi n nibuolu puoba bi diebuada nni, Ki fenli bi bila kpiagidi, min den puni ba yaadi yeni.

¹⁰ Fii mani ki yaa caa, Kelima nekanba kan go yaa tie yi fuodikaanu. Kelima yi tuonbiaciandi n baa cuani fala ne. Yen de, yaa fala n bia baa cua ne.

¹¹ Yaa nibuolu n tie na bua yaa nilo n tiini Ki ŋua u faalu ki pua mi faama ki tua: ‹N baa maadi yipo duven maama leni mi dabiadima yaa maama.›

U Tienu baa goa ki taani Isalele yaaba yaaba n sieni

¹² Jakobo puoliŋuani, n go baa ti taani yikuli. N baa taani yinba Isalele yaaba, yaaba n sieni kuli. N baa taani yikuli nekanba nani yanloyenli yaa pe yeni, Nani yaa yangoli n taani yankpaakaanyendu kani yeni. Laa yogunu yaa niligu yaa pali n mani fuugu baa tieni boncianla.

¹³ Mini U Tienu baa cibi bi yonbidi kpaadidieli li bonli, Ki kua bi liiga. Bi baa cibi li bonli ki ña Ki tagi bi yonbidi dogu bilinciamu sani, Ki ña ban yaa caa. Mini bi bado baa kua bi liiga Mini Li Miali Diedo baa tugi bi yuli.»