Jeremi 45 - Gourmanchéma Bible

¹ Josiasi bijua Yeojakimi Juda bado bali binnaali binli o sawalipualo Jelemi den maadi ke Neliya bijua Baluki dangi. O den yedi:

² «Li Miali Diedo Isalele Tienu maadi Baluki po yaa maama n tie na.

³ A yedi: ‹Fala baa nni! Mii den pia yanduanma ka ke Li Miali Diedo mo nan go pugini n yanyagidi. N ñiindi ñiindi hali ki ban coagi! Fuodima mo ki ye npo.›

⁴ Ŋan baa maadi o maama nne: ‹Diidi n baa bolini min maa yaala. N baa ŋabi min ŋuu yaala. Lani n tie mi naa diema kuli.

⁵ Amo ŋaa lingi yaali n yaba ka te? Ŋan da lingi la, kelima n baa cuani mi yebiadima miali fo kuli po. Mini Li Miali Diedo n yedi yeni. Ama n baa ŋa ŋa leni a miali ŋan baa gedi naankani kuli.› »