Jeremi 37 - Gourmanchéma Bible

¹ O bado Sedesiasi, Josiasi bijua n den kali ti gbandi po ki ga Yeojakimi bijua Konia kaanu. Babilona bado Nebukanesa n den dini o Juda diema bali.

² Wani oba, o naacenba leni mi diema niba kuli, oba ki den cengi Li Miali Diedo n den puogi o sawalipualo Jelemi n den maadi yaa maama.

³ O bado Sedesiasi den soani Selemia bijua Yehukali leni o kopadiciamo Maaseja bijua Sofoni o sawalipualo Jelemi kani ke ban yedi o: «Jaandi tipo Li Miali Diedo ti Tienu!»

⁴ Laa yogunu sua ke bi daa luoni Jelemi li kpaadidieli nni. O da den goadi wan bua maama Isalele yaaba siiga.

⁵ *Falono toagoli den ñani Ejipiti diema nni. Babilona yaaba, yaaba n den gaani ki cebini Jelusalema n den ga laa laabaalo bi den sani ki foagidi leni Jelusalema.

⁶ Lanwani Li Miali Diedo den maadi leni o sawalipualo Jelemi ki yedi:

⁷ Li Miali Diedo Isalele Tienu yedi nanda: «Yin yedi mani Juda bado yua n soani yin cua ki bu nni yeni. ‹Diidi Falono toagoli yaali n den kpendi ki baa todi yi yeni n guani li diema nni Ejipiti nni.› »

⁸ Lanwani Babilona yaaba baa goa ki cua ki baa u naa dogu, bi baa paadi u ki sia u mi fantama.

⁹ Li Miali Diedo yedi nanda: «Yin da boandi mani yi yula ki yedi: ‹Babilona yaaba sani ki foagidi!› Bi kan sani ki joandi ba.

¹⁰ Baa yi yaa koani ki paadi Babilona yaaba, yin koani leni bani yaaba yeni ki muumuu ba mu jugimu yeni, bikuli baa naabi ki fii bi gbandiena nni ki sia u naa dogu leni mi fantama.»

Bi luoni Jelemi li kpaadidieli nni

¹¹ Babilona yaaba toagoli n den sani ki foagidi Jelusalema dogu kelima Falono toagoli po,

¹² Jelemi den bua ki ña Jelusalema ki gedi Benjamina diema nni ki taani leni bi niba mu tinmu boagidima nni.

¹³ Wan den pundi Benjamina buliñoabu kani bi toatieba yudaano, ban yi yua Yiliya Selemia bijua, Anania yaabili den ye likani. O den cuo o sawalipualo Jelemi ki yedi: «Ŋaa caa ki baan teni a yuli Babilona yaaba ka te!»

¹⁴ Jelemi den goa ki yedi: «Yeni ka, mii caa ki baan teni n yuli Babilona yaaba ka!» Ama Yiliya naa den cengi o maama. O den cuo Jelemi ki gedini o a koanbala po.

¹⁵ O bado koanbala pala den beni Jelemi po ke bi pua o ki luoni o li kpaadidieli nni o tidianlo Jonatan diegu nni kelima bi den teni ke lankani n den kpandi li kpaadidieli.

¹⁶ Li den ga yene ke bi den kuani Jelemi li kpaadidieli nni ke o waagi lienni boncianla.

¹⁷ O bado Sedesiasi den soani ke bi yini o ki boni leni o ŋasiili nni badidiegu nni ki yedi o: «Naani Li Miali Diedo pia npo maamaba?» Jelemi den goa ki yedi: «O pia apo!» O den yedi: «Babilona bado baa diedi a.»

¹⁸ Jelemi den yedi o bado Sedesiasi: «N bii fini, a naacenba, leni bi naa niba be yo ke yi cuo ki luoni nni li kpaadidieli nni?

¹⁹ Yi sawalipuaba yaaba n den pua sawali ki tua: ‹Babilona bado kan cua ki baa yi, o kan cua ki baa mi diema yeni ye le?›

²⁰ Jelemi den yedi moala fini, o bado, cengi n miabu. U Tienu leni a, n daano, cengi npo n miabu! Da teni min guani o tidianlo Jonatan diegu nni, lani yaaka n baa kpe lienni.»

²¹ O bado Sedesiasi den bili li ñoabonli ke ban kubi Jelemi bonŋanla badidiegu kpaadidieli luolu nni. Bi den yen kpendinni opo daali kuli dupen yendo ban den ñandi yua ban yi yaa sanu a dupenpuala sanu po. Bi den tiendi yene hali dupen n ban gbeni u dogu nni. Jelemi n den ye maama n yeni badidiegu kpaadidieli luolu nni.