Efesa 6 - Gourmanchéma Bible

¹ Yinba a bila, yin tuo mani ki yaa ŋua yi danba maama nani o Diedo n bua maama, kelima lani n tiegi.

² Ŋan jigini a baa leni a naa, lan tie yaa balimakpiama n yegi leni u ñoanianu.

³ Laa ñoanianu mo n tie: «A baa ye leni li pamanli, a miali dana mo n foagidi ki tinga nni.»

⁴ Yinba bibaanba mo, yin da mabini yi bila hali ki fiini bi pala. Ama yin yaa wubi ba ki tundi ba ki bangi ba nani o Diedo n bua maama.

⁵ Yinba i yonbi, yin tuo ki yaa tiendi yin pia yaa canbaanba ŋanduna nni n yedi yaala leni li fangili leni mi digibima leni li payenli, nani yin tuo ki tiendi Kilisiti n yedi yaala maama.

⁶ Yin da tiendi yeni ban nua yi yaa yogunu bebe ka, nani yi bua ki mangi bi nisaaliba pala yeni. Ama, kelima yi tie Kilisiti yaa yonbi, yin yaa kuandi mani yi yama ki yaa tiendi U Tienu yanbuama.

⁷ Yaa tuuni mani bipo leni li pamanli kelima yi tuuni o Diedo po, laa tie bi nisaaliba yaa po ka.

⁸ Yi bani ke nilo kuli baa baa o Diedo kani wan den soani yaa tuonŋanli panpaani, wan tie yonbo bi wan die o yuli.

⁹ Yinba canbaanba mo, yin yaa tiendi yeni yi yonbi po. Yin da fu leni ba, kelima yi bani ke yinba leni bani kuli pia Canbaa tanpoli po, yua n naa gagidi bi niba leni biyaba.

U Tienu n puni o yaaba yaa toatiadi

¹⁰ N majuodikaama n tie na: Yin yaa baadi mani yi fidu o Diedo kani leni o paaciamu yu n cie li bonla kuli nni.

¹¹ Yin bobi mani U Tienu n puni yi yaa toatiadi kuli ke yin fidi ki yaa se bonŋanla, ki yie ku *tuotabigu yudaano nunfanbiadibu kuli po.

¹² Kelima tii koani leni yaa yibalinba n pia ti gbanandi leni mi soama ka. Ama ti koani leni li bali danba len i paaciami danba leni yaaba n die li *biigili ŋandunli, ki tie yaa cicibiadimu n ye mi fawaama nni.

¹³ Lani yaa po yin taa mani U Tienu n puni yi yaa toatiadi kuli, ke yin fidi ki sedi ki yie yaala n bia yaa ti cua yaa daali ki koani ki paadi, ki go yaa se ke li pa mo.

¹⁴ Lanwani yin bogini mani ki yaa se ke li pa. Yin yaa ñaagi i moamoani nani ku gbanñagidigu yeni. Yin yaa laa yaa kuliadili n tie mi *teginma.

¹⁵ Yin pili li yankuali nani ti cacaadi yeni mi yanduanma Laabaaliŋamo wangima po.

¹⁶ Yin go taa li *dandanli nani ku gbankoandigu yeni ki yaa muubi yogunu kuli, ke yin fidi ki gbindi o *Biado n toa yi yaa mupiemi kuli.

¹⁷ Yin yaa ciibi mani mi *tindima kusanli leni mi Fuoma jugisiega yaaga n tie U Tienu Maama.

¹⁸ Mi Fuoma n teni yin yaa jaandi yogunu kuli, ki yaa miadi U Tienu yogunu kuli leni i jaandi leni bu miabu buoli kuli. Yaa miadi mani U Tienu o *nigagidiŋanba kuli po ki da yoaligi ki da cedi.

¹⁹ Yin yaa miadi o mani n moko yaa po, ke min baa yaadi ki maadi yaa yogunu kuli, wan pa nni min baa maadi yaama, ke min doagidi ki waani o Laabaaliŋamo bondoaginkaala leni li papaali.

²⁰ N tie laa Laabaaliŋamo yaa tondo ti kpaadi nni. Yin yaa miadi o mani ke min yaa wangi o Laabaaliŋamo yeni leni li papaali nani lan pundi min yaa wangi o maama.

Mi majuodikaama

²¹ Tikika, yua n tie ti kpibuado leni o Diedo naacendugika, baa waani yi n laabaalo leni min tiendi yaala, ke yi moko n bandi likuli.

²² N soani o yikani lani yaa po bebe, ke yin bandi ti yema n tie maama, ke wani mo n paagi yi pala.

²³ U Tienu yua n tie Baa leni o Diedo Jesu Kilisiti n pa ti kpiiba mi yanduanma leni mi buama leni li dandanli.

²⁴ Li *ŋanbili n yaa ye leni yaaba n bua ti Diedo Jesu Kilisiti leni yaa buama n kan lebidi hali abada.