Salmo 68 - Biblia Yanowamö

¹⁷ Wayu bä befi ca̦i lä läläaö wei, Bada tänö ebä ca̦i bluca fuma, ¡ebä ca̦i bluca fe balojowä fuma! ¡Bä nö wabamobö mlai! Sinai cäcö jamö culanö bä ca̦i fa funö, cama e yano lä yaile jamö bä ca̦i waloquema.

¹⁸ Jeobaanö yanowamö bluca täbä fa däfälönö, ösö jamö täbä ca̦i yamobefälöma. Yanowamö täbä shijiloblao lä mlai bä ma cui lija, a dobämoma. Jeobaa a lä bufiblamou wei, ö̦jamö a nia bälödio.

¹⁹ ¡Bada tä a̦fa shi̦lo dodijidawä tamobä! Bämacö bufi nö lä bleaaö wei tä bluca fa mlaamadinö showadi bämalecö jelejeblamaö. Bämalecö lä bayelibou wei, ö̦jö Yai Bada tä waiquiwä.

²⁰ Bämalecö nia lä bayelibou wei, Yai Bada bäma a lä bufiblaö wei ö̦jö a waiquiwä. Bämalecö shäöje däjä Jeobaa a Bada lä ayainö bämalecö bayeliblaö läo.