Salmo 40 - Biblia Yanowamö

¹ Amowa täbä a̦ ja bä a̦ lä lulubou wei a lija, ei David ya lä cuinö ya etä a̦ shimaö. Bufi yanöcölanö Jeobaa ya nö daboma. Wale a̦ ji̦lia mö fa wädälänö, wale a̦ nö bleaaö ji̦lilema.

² Täca täca aca nö lä quilijiono wei jamö, a̦ji a̦ji bä ja ya lä cawäjäono wei däjä, wale yäbölema. Maa ma jamö wale fa ublamacönö, yale fuu lofotoblamalema.

³ Amowa ya tä a̦ tabä, dude tä a̦ jibäbema. Yai Bada bäma tä lä bufiblale tä jamö, ya tä a̦ yädämabobä. Ya nofi doablabä. Wale lä bayeliblano wei, bluca bänö tä nia dablaöje. Bä nia quilii. Jeobaa a nofi nia mölabouje.