Salmo 22 - Biblia Yanowamö

⁶ Ö̦jö ma cui, yanowamö täbä nofi lä tabou wejeinaja, wale nofi taboimije. Jai cojolomö shicö lä culenaja, wale nofi tabou dicooje. Wale nö waiblaöje. Wale nofi ca̦i wa̦libouje.

⁷ Wale lä möö wejei bänö, bei bä caficö ma cuinö, bei bä fe ma cuinö, wale nö bluca waiblaöje.

⁸ Abenaja bä cuu. —Dodijidawä a cuobä, Jeobaa lija a malä mölaö wei, ö̦jönö a fucäabä, ö̦jö lä. Ö̦jönö a bayeliblaö läobä, a jo̦wa malä bufii wei —bä cuu.

¹⁶ Awei. Ji̦ima bä waitelimou däjä, bä fe fa̦yoblou lä culenaja, bä doblou lä mlai bänö wale fe fa̦yobou cuaje. Wale imicö diquiamaje. Wale mamicö ca̦i diquiamaje.

¹⁷ Wale ubä malocoblaöje. Camiyä lija bä mamo showadio. Wale mödiije.

¹⁸ Ya lä didio wei cäcö shedequeblaleije. Ecö nia lä däablaö wejei bä nia fa jimamonö, madofi a ja bä wabäo balöo.