Números 27 - Biblia Yanowamö

Josué a bada cuo nomöjöobä tä nabä lä shömöano wei tä a̦

¹⁸ Moisesi nija abinaja Jeobaa a cuma. —Nuni bä ijilubö Josué e da nacalä. E bufi dao. Cama nija imicö da maqueicu, wa yaiabä.

¹⁹ Isaeli ebä bluca lä yododole jamö, nofi bäyäalewä Eleasala a lä cule jamö Josué wawädowä wa fa ublamacönö, bä mamo bluca showao däjä, bä nia ca̦i cuo lä juo wei, wawädowä wa tä nabä nia shömöaö.

²⁰ Cafä wa lä nosiemou wei, wawädowä wa etä nia sheleleaö, cama a nosiemou mö feduo showadaobä. Isaeli ebä blucanö, Josué a wa̦ juaabeje.

²¹ ’Josuénö wale wa̦lii bufio däjä, nofi bäyäalewä Eleasala nija a nia icuo —a cuma—. Eleasalanö a wa̦ fa ji̦lilänö, cama a befi, Jeobaa wale nia wa̦lii fe dolemou. *Madofi bolacabö täcöbö lä didibole täcöbö wai julicalanö, wale nia wa̦lii. Bä lä juu wei bä ma cui, bä nia waloo lä co̦o wei bä ma cui, jödödöwä bä lä cuaaö wei, camiyä ya wa̦nö, inaja bä nia shino cuaaö. Cama a ma cui, Isaeli ebä ca̦i lä cule bä ma cui, inaja cama bä bluca nia cuaaö —Jeobaa a cuma.

²² Inaja Moisesi a cuaaö showaoma, Jeobaanö a nowa lä tano weinaja. Josué a fa nacalänö, Isaeli ebä bluca lä yododole jamö, nofi bäyäalewä Eleasala nija a ca̦i icuquema.

²³ Imicö fa maqueicunö, bä nia ca̦i cuo lä juo wei, wawädowä etä nabä shömöa nomöjöquema, Moisesi nija Jeobaanö tä taamaö lä bufino weinaja showawä.