Isaías 7 - Biblia Yanowamö

¹⁰ Acasa a bada lija Jeobaa a wa̦no wäyäö co̦obä, abenaja Isaia a cuu co̦oma.

¹¹ —Jeobaa lija a da naco, cafä lija a bufiblamobä a lä cui lija. Tä nö lä quilijii, tä wawämaö da bufi, wa lofote dablaö däjä, wa etä a̦ bejedi bufibobä. Wa etä lä jimaö wei jamö tä wawämabä. Mashita a co̦jomö jamö ma cui, fedu fe dole jamö ma cui, eja ma cui tä wawämaö dao —a cuma.

¹² Ö̦jö ma cui, Acasa a wa̦ läo ja, abenaja a cuu dicooma. —Ma. Ya nia nacoimi. Jeobaa ya nia bejedimou ca̦i wabaimi —a cuma.

¹³ Abenaja Isaia e cuma. —Ja̦o. Tä a̦ da ji̦liläje, ö̦jö lä, David nodiwä wama ecö lä cui. Camiyä yanowamö yamalecö modamaö bädao mlai, ¿Yai Bada ya lä bufiblaö wei, wama tä nia ca̦i modamaö mö feduo daanö?

¹⁴ Inaja wa cuu dicoo ja, cafänö wa tä wawämaö bufii ma mlai, cama Bada tänö tä nia wawämaö fe yadio. Wama a nia lofote dablaö fe yadio. ¿Ö̦jö tawä? Moco a jubamou dao lä mlai, a nia shibönabölayou. Bä ijilubö e nia tablaö. *Emawele e a̦fa nia jilaö.