Génesis 5 - Biblia Yanowamö

Adana nija bä lä nodiblaliyono wei tä a̦

¹ Adana bei ijilubö ebä nija, bä bluca yanöcö wawäö lä nodiablalono wei, ei bei tä a̦ li nomöjöwä. Yai Bada tänö yanowamö a jaba tablaö däjä, cama a lä culenaja a cuwä, a tablalema.

² Wa̦lo a, suwä a, cäcöbö tablalema. Cäcöbö lä tablaleno wei däjä, cäcöbö nia bayeliblaö showaoma. Yanowamö bei cäcöbö a̦fa jilaquema.

³ Adana a lä cuinö, lasha 130 a fa famalönö, bei ijilubö ai a taa co̦quema. Sede a wa̦fa jilaquema. Cama a lä culenaja a cuwä, bei ijilubö e cua fa nodiicunö, bä fö̦ö e owäboma.

⁴ Sede a oshe fa cublalunö, bä fö̦ö e bälöo nö dedeaö showaoma. Lasha 800 a faa co̦malema. Bei ijilubö ai ebä cublaliyoma, bä tää ebä ca̦i.

⁵ ¿Ö̦jö tawä? Adana a demi bälöo showao däjä, lasha 930 a fa famalönö, a bufi ya̦cumö mlaquema.

⁶ Sede a lä cuinö, lasha 105 a fa famalönö, bei ijilubö Enosi a oshe wawämalema.

⁷ Enosi a oshe fa cublalunö, bä fö̦ö e bälöo nö dedeaö showaoma. Lasha 807 a faa co̦malema. Bei ijilubö ai ebä cublaliyoma, bä tää ebä ca̦i.

⁸ ¿Ö̦jö tawä? Sede a demi bälöo showao däjä, lasha 912 a fa famalönö, a bufi ya̦cumö mlaquema.

⁹ Enosi a lä cuinö, lasha 90 a fa famalönö, bei ijilubö Cainana a oshe wawämalema.

¹⁰ Cainana a oshe fa cublalunö, bä fö̦ö e bälöo nö dedeaö showaoma. Lasha 815 a faa co̦malema. Bei ijilubö ai ebä cublaliyoma, bä tää ebä ca̦i.

¹¹ ¿Ö̦jö tawä? Enosi a demi bälöo showao däjä, lasha 905 a fa famalönö, a bufi ya̦cumö mlaquema.

¹² Cainana a lä cuinö, lasha 70 a fa famalönö, bei ijilubö Malaleli a oshe wawämalema.

¹³ Malaleli a oshe fa cublalunö, bä fö̦ö e bälöo nö dedeaö showaoma. Lasha 840 a faa co̦malema. Bei ijilubö ai ebä cublaliyoma, bä tää ebä ca̦i.

¹⁴ ¿Ö̦jö tawä? Cainana a demi bälöo showao däjä, lasha 910 a fa famalönö, a bufi ya̦cumö mlaquema.

¹⁵ Malaleli a lä cuinö, lasha 65 a fa famalönö, bei ijilubö Jalede a oshe wawämalema.

¹⁶ Jalede a oshe fa cublalunö, bä fö̦ö e bälöo nö dedeaö showaoma. Lasha 830 a faa co̦malema. Bei ijilubö ai ebä cublaliyoma, bä tää ebä ca̦i.

¹⁷ ¿Ö̦jö tawä? Malaleli a demi bälöo showao däjä, lasha 895 a fa famalönö, a bufi ya̦cumö mlaquema.

¹⁸ Jalede a lä cuinö, lasha 162 a fa famalönö, bei ijilubö Enocö a oshe wawämalema.

¹⁹ Enocö a oshe fa cublalunö, bä fö̦ö e bälöo nö dedeaö showaoma. Lasha 800 a faa co̦malema. Bei ijilubö ai ebä cublaliyoma, bä tää ebä ca̦i.

²⁰ ¿Ö̦jö tawä? Jalede a demi bälöo showao däjä, lasha 962 a fa famalönö, a bufi ya̦cumö mlaquema.

²¹ Enocö a lä cuinö, lasha 65 a fa famalönö, bei ijilubö Medusali a oshe wawämalema.

²² Medusali a oshe fa cublalunö, bä fö̦ö e sho, Yai Bada tä sho cäcöbö nofi tamayou showale, bä fö̦ö e bälöo nö dedeaö showaoma. Inaja a cuaalanö, lasha 300 a faa co̦malema. Bei ijilubö ai ebä cublaliyoma, bä tää ebä ca̦i.

²³ ¿Ö̦jö tawä? Enocö a demi bälöo lä cuaano wei, lasha 365 a famalema.

²⁴ Ö̦jö däjä, Yai Bada tä sho, Enocö sho cäcöbö nofi tamayou showale, a nomano mlai ja, Yai Bada tänö demi a co̦lefälöma. A fa co̦läfälönö, a dablamou co̦daanomi.

²⁵ Medusali a lä cuinö, lasha 187 a fa famalönö, bei ijilubö Lameco a oshe wawämalema.

²⁶ Lameco a oshe fa cublalunö, bä fö̦ö e bälöo nö dedeaö showaoma. Lasha 782 a faa co̦malema. Bei ijilubö ai ebä cublaliyoma, bä tää ebä ca̦i.

²⁷ ¿Ö̦jö tawä? Medusali a demi bälöo showao däjä, lasha 979 a fa famalönö, a bufi ya̦cumö mlaquema.

²⁸ Lameco a lä cuinö, lasha 182 a fa famalönö, bei ijilubö e oshe fa wawämalönö,

²⁹ Noewä a wa̦fa jilaquema. A wa̦fa fa jilacönö, a wa̦fa wäyäma. —Ei u̦asiminö bämalecö wa̦shimi ca̦i nia joluu. Jeobaanö tä ulifi wa̦liablalema yalo, bämacö ojodamou nö ma bleaaö wei ma cui, einö bämalecö yanöcömabou wä —a cuma.

³⁰ Noewä a oshe fa cublalunö, bä fö̦ö e bälöo nö dedeaö showaoma. Lasha 595 a faa co̦malema. Bei ijilubö ai ebä cublaliyoma, bä tää ebä ca̦i.

³¹ ¿Ö̦jö tawä? Lameco a demi bälöo showao däjä, lasha 777 a fa famalönö, a bufi ya̦cumö mlaquema.

³² Noewä a lä cuinö, lasha 500 a famaö fa waiquilonö, bei ijilubö 3 ebä oshe wawämalema. Semö, Camö, Jafede ebä a̦fa cuoma.