Éxodo 27 - Biblia Yanowamö

Yalo bä maqueblamobä tä a̦

¹ Abinaja Jeobaa a cuma, Moisesi nija. —Yalo bä lä dodoblamou wei bä maqueblamobä wa täcö nia ca̦i tablamaö. Defi liyäjäwä lä jifui defibä acadafu ja, wa täcö nia tablamaö. Täcö fe labe nia lä wädöo weinaja, bolacabö wa mata lä quedou weinaja täcö nia ijede labe jayudou. Inaja showawä täcö nia faujuwä cuo. ¿Ö̦jö tawä? Täcö labe cuobänaja, täcö nia faujuwä cuo mö feduo. Täcö nia i̦tao ösöo lä cuo weinaja, moli wa mata lä quedou weinaja wa täcö ola ijede nia jayudamaö.

² ’Ola täcö jamö, täcö lä sha̦clodou wei jamö, jai yalo yo̦labä cuwä wa defi nia taamaö. ¿Ö̦jö tawä? Ö̦jö jai yo̦labä cuwä wa täbä döcömabou mlai, moli defi comi acadafu showawänö, täcö nia bluca tablamou. Ö̦jö däjä, duo shibänö wa tä nia möamoblamaö —Jeobaa a cuma.