Éxodo 26 - Biblia Yanowamö

Camishi acadafu cäcö läobä tä a̦

³¹ Abinaja Jeobaa a cuma. —Camishi dodijidawä cäcö acadafu läobä, bada wa cö nia tablamaö. Shuducaje au cäcö yai lä dodijidai cäcö ja, wa cö nia tablamaö. Shi de̦lelewä wa ubä nia ca̦i coyocoblamaö, ushi wacäjäwä ubä ca̦i, wacä ubä ca̦i. Cäcö nia yai liyäjäblaöje. Yai waiteli täbä majecö ca̦i lä cui, wa täbä nö nia idubö ca̦i diyäa coyocoblamaö.

³² Defi liyäjäwä lä jifui, 4 wa defibä je̦fa fa oloblalönö, ö̦jö bä lä i̦tale jamö wa cö nia läamaö. Cäcö casö lucäobä, je̦fa bä ola jamö shoquedewä täbä nia wai yädäblamou. Ö̦jö täbä lä cui, olo bä ja täbä nia tablamou. ¿Ö̦jö tawä? Defibä colo didiobä täbä lä cui, blada a ja täbä nia tablamou.

³³ ’Fii ola fibä jamö, täbä wai madofi lä o̦cablai bä jamö, camishi acadafu wa cö nia läamaö —a cuma—. Ö̦jö däjä, ö̦jö cäcö u̦eshi jamö, ya wa̦no oni didiobä defi ca lä cui, wa defi ca nia u̦eshiblamaö. Cama cäcö lä läle cäcö showawä lä cuinö, bolacabö täcöbö yano nia tamabou. ¿Ö̦jö tawä? Cäcö lä läle tänö, iba yano lä nowamaö wejei yano nia nanocao. Yano yai nowamaö lä dodijio wejei yano nia olao.