Deuteronomio 6 - Biblia Yanowamö

Jeobaanö täbä nabä yai lä shömano wei tä a̦

⁴ Moisesinö Isaeli ebä yömölaö ja, abinaja bä nowa tama. —Bei. Bä yömöca da daicu, Isaeli wama ecö. Jeobaa a lä cui, camiyä bämacö nija a bufiblamobä a lä cui, ö̦jö yami tä Jeobaa cua ayaa.

⁵ Jeobaa wama a yai nia nofimaö, cafä wamacö nija a bufiblamobä a lä cui. Bei wamacö bufi yainö, wama a nia nofimaö, wamacö nö lä wa̦lojoablalou wei tä ca̦inö.

⁶ ’Fei däjä bämacö lä yömölafe, bei wamacö bufi jamö wama tä a̦ nia bejedi lämabou.

⁷ Ei tä a̦ ja, ijilufä showadi wama bä nia ca̦i yömöladii. Cafä wamacö yanobö jamö wamacö lolanö, showadi wama tä a̦ nia wayoaö. Wamacö lä juu wei jamö ma cui, wama tä a̦ nia ca̦i wayoaö. Wamacö ma mimou däjä ma cui, wamacö ma jocäblou däjä ma cui, inaja showawä.

⁸ ’Wama tä a̦ nofi jaducubobä, bei wamacö e̦fetacö jamö wama tä a̦ nia oni ya̦bou. Bei wamacö wäyäcu jamö ma cui, wama tä a̦ nia ca̦i onibou.

⁹ Wamacö yanobö lä i̦tablai jamö ma cui, wama tä a̦ nia ca̦i oniblaö. Wamacö lä joleblou wei jamö ma cui, tä a̦ ca̦i nia oni cuo —bä nowa tama.