2 Samuel 5 - Biblia Yanowamö

¹ Ö̦jö däjä, Isaeli bluca ebä showawänö, Eblono jamö David lija bä fa waloiquiyonö, a nowa tamaje. —Bei. Camiyä moli bämacö mashi waiquiwä.

² Jaba däjä, camiyä bämacö lija Saulo a bada ma cuono wei ma cui, Isaeli yama ecö wayu lä funo wei jamö, cafänö yamalecö ca̦i shi̦lo fuma, cafänö. ¿Ö̦jö tawä? Cafä wa cadidiwä lija Jeobaa a wa̦ cai̦ malä fano wei. Abenaja a cuma. “Iba Isaeli ebä dodijidawä cuobä, cafänö wa bä ca̦i nia cuo, oweja bä lulubou lä cuaaö wejeinaja, iba wa bä taamabä. Isaeli ebä lijamö cafä wa nia bada läo”, a cuma. ¿Ö̦jö daanö? —David a nowa tamaje.

³ Inaja bä bufi cuma yalo, David lijamö Isaeli bada ebä bluca fuma, Eblono jamö. Ö̦jamö, Jeobaa a lä cule jamö, bada tä David sho bä nowa tayoma. Ö̦jö däjä, cama bä lija David a bada cuo wawädoobä, täbä lä jölöcamou wei toubä dabönö David a jölöcölemaje.

⁴ Lasha 30 a famaö waiquio däjä, David bada a jaba lämoma. Inaja a bada cuo waiquilanö, lasha 40 a faa co̦malema.

⁵ ¿Ö̦jö tawä? Judawä ebä lija, Eblono jamö David a bada läo balölanö, lasha 7 a famalema. Ai a lasha famaö bäshäcublamaö co̦layoma. Ö̦jö däjä, Isaeli bluca ebä lija, Jelusale jamö a bada läo nomöjölanö, lasha 33 a faa co̦malema.