Bìoball air-loidhne

Tõoma 4 - Farefare Ninkaré

Apɩyɛɛrɩ la Azã ze sarɩyaditba nẽŋam

¹ Apɩyɛɛrɩ la Azã ken tɔgra la nẽrba la lɛ, tɩ kãabgɔ kẽma, la Wẽnde-kãtɛ gu'urba nẽŋadãana, la Saduse dõma wa'am ba zẽ'am.

² Tɩ ba sũure yĩige la Tõntõnɩba la n zãsnɩ nẽrba la, dee mõola Azezi kũm vo'ore yelle pa'ala tɩ nẽr-sɛba n ki la wʋn vo'oge mɛ na.

³ Tɩ ba yõgɛ ba ka yʋ, gu'ura tɩ beere wiige, se'ere n soe la, wẽnnɛ daan sobe mɛ.

⁴ La nẽr-sɛba n daan wõm Nawẽnnɛ kõ-yẽlga la, ba zozo'e daan bɔ yetɔga la sɩra mɛ. Ba kãllɛ daan de wʋ tʋsanuu.

⁵ La beere n wiige, tɩ Zifdõma nẽŋadõma, la kẽma, la lɔɔ karẽnsãandõma lagsɛ taaba Zerizalɛm pʋam.

⁶ La A'annɩ n de kãabgɔ kẽma nẽŋadãana, la Akayifu, la Azã, la Alɛgsãndrɩ, la sɛba wuu n de kãabgɔ kẽma nẽŋadãana yir-dõma boe mĩ mɛ.

⁷ Tɩ ba botɩ ba tarɩ ba wa'am wa ze'ele ba nẽŋam, tɩ ba soke ba yetɩ: «Ãne n bɔ yãma pãŋa la nõorɛ tɩ yãma ɩta bõn-bãna?»

⁸ Tɩ Nawẽnnɛ Sɩa bɔ Apɩyɛɛrɩ pãŋa, tɩ a yele ba yetɩ: «Yãma Ɩsrayɛlɩ nẽŋadõma, la kẽma,

⁹ yãma n sokrɩ tõma zĩna daarɛ wã tõon-sõŋ-sɛka tɩ tõma ẽŋɛ bɔ kɔɔrŋɔ la yelle, la bõn-sɛka n botɩ a yẽ ĩmã'asʋm na,

¹⁰ dẽnɩ tɩ ya wuu, la Ɩsrayɛlɩ dõma wuu bãŋɛ tɩ la de la Azezi-krisi n ze'ele Nazarɛtɩ yʋ'ʋrɛ ĩyã tɩ nẽra wã n ze ya nẽŋam wã tarɩ ĩmã'asʋm. Ẽŋa tɩ ya daan ka lablɛ dɔ-puurŋa zuo kʋ, tɩ Nawẽnnɛ vo'oge ẽ.

¹¹ Ẽŋa ĩyã tɩ la gʋlsɛ Nawẽnnɛ gõŋɔ pʋam tɔgɛ yetɩ: ‹Kug-sɛka tɩ yãma mẽtba zagsɛ la, lebge la kugre n botɩ deego la tara pãŋa.›

¹² Fãarɛ ka boe nẽra ayẽma zẽ'am, sãn dagna Azezi-krisi mã'a n tã wʋn fãagɛ nẽrba dũnia zuo basɛ.»

¹³ Apɩyɛɛrɩ la Azã n yẽ bʋraanɛ tɔgra la, la di'ige nẽrba la mɛ, ban mi tɩ ba nini ka yo'oge, dee tɩ ba dagna gõn-mitba la, tɩ ba bãŋɛ tɩ ba daan boe la Azezi lɛ.

¹⁴ La ban yẽ bʋraa la n yẽ ĩmã'asʋm zɛ ba zẽ'am na, ba ka mi ban wʋn lerge se'em bɔ ba.

¹⁵ Tɩ ba yele ba sarɩyadia zẽ'am yetɩ ba yese. Tɩ ba yese. Dee tɩ ba bãm yele taaba yetɩ:

¹⁶ «Tɩ wʋn ẽŋɛ nẽr-bãna la wãne? Nẽrba wuu n boe Zerizalɛm wã mi mɛ tɩ bãma n ẽŋɛ yel-kɩrga wã, tõma kãn tã'agɛ sɩ'ɩsɛ bõn-ẽna.

¹⁷ La tõma n wʋn ẽŋɛ se'em tɩ ba tõoma la da le saagɛ sẽŋɛ nẽŋa, la de la tɩ zɛbɛ ba yetɩ, ba da le tɔgɛ Azezi yelle bɔ nẽra nẽra.»

¹⁸ Bɛla tɩ ba wi ba yetɩ, ba da le sakɛ tɩ ba tɔgɛ, dee zãsʋm nẽrba Azezi yɛla.

¹⁹ La Apɩyɛɛrɩ la Azã lerge ba mɛ yetɩ: «Tẽ'esɛ-ya bɩsɛ, la masɛ Nawẽnnɛ nẽŋam tɩ tõma sakɛ yãma nõorɛ gãnna Nawẽnnɛ nõorɛ mɛ bɩɩ?

²⁰ Tõma ka tã wʋn basɛ ka tɔgɛ sɛla tɩ tõma yẽ dee wõm na.»

²¹ Tɩ ba le gɩ'ɩlɛ ba, dee basɛ ba tɩ ba fõrgɛ. Ba ka yẽ ba wʋn ẽŋɛ se'em botɩ ba sɩbgɛ ba, se'ere n soe la, nẽrba la wuu pẽgrɩ Nawẽnnɛ bõn-sɛka tɩ ba ẽŋɛ la ĩyã mɛ.

²² Bʋraa la tɩ yel-kɩrga la ẽŋɛ tɩ a yẽ ĩmã'asʋm na, gãŋɛ yʋʋma pinaasɩ mɛ.

Sɛba n bɔ Azezi sɩra sose mɛ, tɩ Nawẽnnɛ bɔ ba bʋraanɛ

²³ La ban basɛ ba la, Apɩyɛɛrɩ la Azã sẽŋɛ la ba taaba zẽ'am ka tɔgɛ pa'alɛ ba kãabgɔ kẽma nẽŋadõma, la kẽma la n yele bãma se'em na wuu.

²⁴ La ban wõm bɛla la, tɩ ba naagɛ taaba pʋ'ʋsɛ Nawẽnnɛ la yɛm ayɩla yetɩ: «Zuudãana, fõn nãam saazuum la tẽŋa, la ko-kãtɛ, la bõn-sɛba wuu n boe ba pʋam na.

²⁵ Fõn yʋʋn botɩ tõma yaaba Adavidi n de fʋ tõntõnna la tɔgɛ la fʋ Sɩa pãŋa yetɩ: ‹Bẽm n ẽŋɛ tɩ dũnia buuri wuu sũure yĩige, tɩ nẽrba tẽ'esra tẽ'es-yaalsɩ?

²⁶ Tɩ dũnia na'adõma mãasʋm zɛ, tɩ tẽŋa la nẽŋadõma lagsɛ taaba tɩ ba zɛbɛ la Zuudãana Nawẽnnɛ, la Krisi tɩ a looge la?›

²⁷ La de la sɩra tɩ A'erɔdɩ, la Apõnsɩ-pilatɩ, la bu-zãŋsɩ, la Ɩsrayɛlɩ nẽrba lagsɛ taaba tẽn-ẽna wã pʋam zɛbɛ la fʋ tõntõn-sõŋɔ Azezi tɩ fʋ looge la.

²⁸ Bɛla ba ẽŋɛ la bõn-sɛka tɩ fõn yʋʋn põn dẽŋɛ looge yɛm la fʋ pãŋa bɔɔra tɩ la ẽŋɛ se'em na.

²⁹ Tɩ Zuudãana, lɛɛlɛ wã bɩsɛ ban zɛbrɩ tõma n de fʋ tõntõnɩba la se'em, bɛla ĩyã, bɔ tɩ pãŋa tɩ tɩ mõolɛ fʋ kõ-yẽlga la bʋraanɛ.

³⁰ La fʋ pãŋa, botɩ sɛba n bẽ'erɩ yẽ ĩmã'asʋm, dee tɩ tõon-yãlma la yel-kɩrsɩ ẽŋɛ, Azezi n de fʋ tõntõn-sõŋɔ la yʋ'ʋrɛ ĩyã.»

³¹ Ban pʋ'ʋsɛ Nawẽnnɛ ba'asɛ la, zẽ'e-sɛka tɩ ba lagsɛ la mĩim mɛ. Tɩ Nawẽnnɛ Sɩa bɔ ba wuu pãŋa, tɩ ba tɔgɛ Nawẽnnɛ yetɔga la bʋraanɛ.

Sɛba n bɔ Azezi sɩra la, pʋtɩ ban tarɩ sɛla wuu la taaba

³² Nẽr-kʋʋŋɔ la n daan bɔ Azezi sɩra la lagɩm tara la yɛm ayɩla, la sũure ayɩla. Tɩ ba nẽra baa ayɩla ka yetɩ, ẽŋa n tarɩ sɛla la de la ẽŋa mẽŋa mã'a bõnɔ, la de la ba wuu bõnɔ.

³³ La Tõntõnɩba la tɔgrɩ Zuudãana Azezi kũm vo'ore yelle la pãŋa zozo'e, tɩ Nawẽnnɛ yel-sõnnɛ bɔna ba wuu zuo.

^34-35 La sɛba n daan tarɩ deto bɩɩ vatɔ la, koose ba mɛ tarɩ ligri la wa'am wa ẽŋɛ Tõntõnɩba la nu'usum. Tɩ ba yãŋa ẽn pʋɩ bɔ nẽra woo ẽŋa n boorɩ sõŋrɛ masɛ se'em. Tɩ nẽra baa ayɩla ka bɔna ba pʋam tɩ sɛla pɔ'ɔgɛ ẽ.

³⁶ La Azozɛfʋ n de Leviti nẽra n yese Sipri so'olʋm tɩ Tõntõnɩba la sɩ a yʋ'ʋrɛ tɩ Abarnabasɩ. A yʋ'ʋrɛ la võorɛ de la: «Nẽra n bɔ'ɔrɩ nẽrba bʋraanɛ».

³⁷ Ẽŋa daan koose la a va'am dɩkɛ ligri la tarɩ wa'am wa ẽŋɛ Tõntõnɩba la nu'usum.

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan