Bìoball air-loidhne

Lilegere 8 - Farefare Ninkaré

Bõnɔ n tabɛ bayopɔɩ dãana la lakrɛ

¹ Pebila la lakɛ la bõnɔ bayopɔɩ dãana n tabɛ la, tɩ la ãna yɩrɩrɩr Nawẽnnɛ yire wakatɛ fẽe paagɛ karf-ayɩla pʋsʋka.

² Tɩ mam yẽ malɛkadõma bayopɔɩ n ze Nawẽnnɛ nẽŋam, tɩ ba bɔ ba benkɔma bayopɔɩ.

³ La malɛka ayẽma n wa'am wa ze'ele kãabgɔ bĩmbĩnne na zẽ'am. A daan tarɩ la sãlma laaga tɩ ba tarɩ yõ'ora tɩdarɛ. Tɩ ba bɔ ẽ tɩdarɛ pãɩ, tɩ a dɩkɛ ba lagɩm na Nawẽnnɛ nẽrba wuu pʋ'ʋsgɔ yõ sãlma kãabgɔ bĩmbĩnne n boe na'am bĩmbĩnne na nẽŋam na zuo bɔ Nawẽnnɛ.

⁴ Tɩ tɩdarɛ la tɩ a yõ la bug-zũ'usi lagɩm na Nawẽnnɛ nẽrba la pʋ'ʋsgɔ, ze'ele malɛka la n ze Nawẽnnɛ nẽŋam na nu'usum zɔnna saazuum.

⁵ Tɩ malɛka la dɩkɛ laaga la tɩ ba tarɩ yõ'ora tɩdarɛ la, pɩrɛ ẽ na tɩdarɛ bugum na n boe kãabgɔ bĩmbĩnne zuo la lobge ba tẽŋa zuo. Tɩ saaga tãsra, yãgra dee sũnna, tɩ tẽŋa mĩim.

Benkɔma peebgo

⁶ Malɛkadõma bayopɔɩ la n zãlɩ benkɔma bayopɔɩ la, mãasʋm mɛ tɩ ba peebe ba.

⁷ Tɩ pɔspɔsɩ malɛka la peebe benkonne. Tɩ sakuga la bugum n gaam na zɩɩm ka'agɛ dũnia zuo. Tɩ dũnia zẽ'esɩ batã pʋam, bugum di zẽ'a ayɩla, tɩ tɩɩsɩ zẽ'esɩ batã pʋam, bugum di zẽ'a ayɩla, tɩ mõ-mã'asa wuu di bugum.

⁸ Tɩ malɛka bʋyi dãana peebe benkonne. Tɩ ba lobge sɛla ko-kãtɛ pʋam n ãn wʋ tãn-kãtɛ tɩ bugum diti. Tɩ ko'om na zẽ'esɩ batã pʋam, zẽ'a ayɩla lebge zɩɩm.

⁹ Tɩ bõn-vɔɔsɩ sɛba n boe ko'om pʋam na batã pʋam woo ayɩla ki. Tɩ õornɔ batã pʋam woo ayɩla sã'am.

¹⁰ Tɩ malɛka bʋtã dãana peebe benkonne. Tɩ wõrbi-kãtɛ n diti bug-zɩlɩŋa ze'ele saazuum lui mõga, la kʋlsɩ ko'om pʋam, a lui la ko'om na zẽ'esɩ batã ayɩla pʋam.

¹¹ Wõrbiire la yʋ'ʋrɛ de la Azẽlõm. Tɩ ko'om na zẽ'esɩ batã pʋam, zẽ'a ayɩla lebge zẽlõm. La nẽrba zozo'e n yũ ko'om na ki, ko'om na n de zẽlõm na ĩyã.

¹² Tɩ malɛka bʋnaasɩ dãana peebe benkonne. Tɩ wẽntulle zẽ'esɩ batã pʋam zẽ'a ayɩla, la wõrga zẽ'esɩ batã pʋam zẽ'a ayɩla, la wõrbiɛ zẽ'esɩ batã pʋam zẽ'a ayɩla pãŋa ba'asɛ, tɩ ba wuu zẽ'esɩ batã pʋam, zẽ'a ayɩla lebge lika. Tɩ wʋntɛɛŋa zẽ'esɩ batã pʋam ayɩla ka le nẽera peelem, tɩ yʋ'ʋŋɔ mẽ bɛla.

¹³ Tɩ mam yẽ sɩl-kãtɛ n ẽgrɩ saazuum-zuum, wõm ẽn tɔgrɩ ke'enke'em yetɩ: «Waɩ, waɩ! Nẽr-sɛba n boe tẽŋa wã zuo wʋn yẽ la toogo, malɛkadõma batã n weege la n wʋn peebe ba benkɔma, tɩ ba yẽ toogo.»

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan