Bìoball air-loidhne

Lilegere 5 - Farefare Ninkaré

Gõŋɔ n tabɛ zẽ'esɩ bayopɔɩ, la Azezi n de Pebila yelle

¹ La mam yẽ la gõŋɔ n boe sɛka n zĩ na'am bĩmbĩnne zuo la zʋʋgɔ nu'ugo pʋam, tɩ a nẽŋa la a poore wuu gʋlsɛ, tɩ ba dɩkɛ bõnɔ n tabrɩ tabɛ ẽ zẽ'esɩ bayopɔɩ.

² Tɩ mam yẽ malɛka n tarɩ pãŋa n tɔgrɩ ke'enke'em yetɩ: «Ãne n masɛ wʋn lakɛ bõnɔ na n tabɛ la, dee lakɛ gõŋɔ la?»

³ La nẽra nẽra daan ka boe Nawẽnnɛ yire, bɩɩ dũnia zuo, bɩɩ tẽŋa wã pʋam pʋam n tã wʋn lakɛ gõŋɔ la, dee bɩsɛ a pʋam.

⁴ Tɩ mam daan kɛlla zozo'e, ban ka yẽ nẽra n masɛ n wʋn lakɛ gõŋɔ la, dee bɩsɛ a pʋam na ĩyã.

⁵ Tɩ kẽma la nẽra ayɩla yele mam yetɩ: «Da kɛlla. Bɩsɛ, sɛka n de Azuda buuri gɩgnɛ n de naba Adavidi yɩɩŋa la yãŋɛ mɛ, ẽŋa n tã wʋn lakɛ bõnɔ na n tabɛ zẽ'esɩ bayopɔɩ la, dee lakɛ gõŋɔ la.»

⁶ Tɩ mam yẽ Pebila n ze na'am bĩmbĩnne na tẽŋasʋka, tɩ bõn-vɔɔsɩ banaasɩ, la kẽma la gilge ẽ basɛ tẽŋasʋka. Pebila la ãn wʋ ba daan kʋ ẽ mɛ na. A tarɩ la ɩɩla bayopɔɩ, la nini bayopɔɩ n de Nawẽnnɛ sɩɩsɩ bayopɔɩ la tɩ a tõm dũnia wuu pʋam na.

⁷ Tɩ Pebila la paagɛ to'oge gõŋɔ la sɛka n zĩ na'am bĩmbĩnne zuo la zʋʋgɔ pʋam.

⁸ Ẽn to'oge gõŋɔ la, bõn-vɔɔsɩ banaasɩ la, la kẽma pisyi la anaasɩ la, ka la dũma a nẽŋam. Ba nẽra woo zãlɩ la kõlŋɔ, la sãlma laasɩ n pɩrɛ la tɩdarɛ n tarɩ yũuŋo n ãn yẽlʋm, n de Nawẽnnɛ nẽrba pʋ'ʋsgɔ.

⁹ Ba daan yõonɩ la yõom-paalɛ yetɩ: «Fõn masɛ tɩ fʋ to'oge gõŋɔ la lakɛ bõnɔ na n tabɛ la. Se'ere n soe la, ba daan kʋ fõn mɛ, tɩ fõn dɩkɛ fʋ zɩɩm na yɔ to'oge nẽrsaalba buuri wuu, la yetɔga buuri wuu, la tẽnsɩ wuu nẽrba, la so'olʋm wuu nẽrba bɔ Nawẽnnɛ.

¹⁰ Fõn botɩ ba dɛna la fʋ so'olʋm kãabgɔ kẽma tõnna bɔ'ɔra Nawẽnnɛ, dee wʋn di na'am dũnia zuo.»

¹¹ Tɩ mam le bɩsɛ, wõm malɛkadõma kʋʋŋɔ kõa, ba daan de la tʋsa nõorɛ tʋsa tʋsa. Ba daan gilge la na'am bĩmbĩnne na, la bõn-vɔɔsɩ banaasɩ, la kẽma la.

¹² Ba daan yõonɩ mɛ ke'enke'em yetɩ: «Pebila tɩ ba daan kʋ la n masɛ tɩ a to'oge ke'eŋo, la bõntarsõm, la yɛm, la pãŋa, la nã'asgɔ, la na'am pãŋa, la pẽka.»

¹³ Tɩ mam wõm bõn-nãanɩsɩ wuu n boe Nawẽnnɛ yire, la tẽŋa zuo, la tẽŋa pʋam pʋam, la ko-kãtɛ pʋam, la bõn-nãanɩsɩ n boe zẽ'esɩ wuu n yetɩ: «Sɛka n zĩ na'am bĩmbĩnne zuo, la Pebila la n soe pẽka, la nã'asgɔ, la na'am pãŋa, la ke'eŋo wakatɛ n ka ba'asrɩ.»

¹⁴ Tɩ bõn-vɔɔsɩ banaasɩ la yetɩ: «Amina.» Tɩ kẽma la ka dũma tẽŋa nã'asra ẽ.

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan