Bìoball air-loidhne

2 Timoti 4 - Farefare Ninkaré

Apolɩ tɔgɛ a ba'asgɔ yetɔga bɔ Atimõtɩ

¹ Mam bɔ'ɔrɩ fʋ nõorɛ Nawẽnnɛ, la Azezi-krisi n wʋn wa'am wa di nẽr-vɔɔsɩ, la nẽr-sɛba n ki sarɩya la nẽŋam, la ẽn wʋn wa di a na'am na ĩyã,

² tɩ fʋ mõolɛ Nawẽnnɛ yetɔga la. Nẽrba sãn sɛlsra, bɩɩ ba sãn ka sɛlsra, mõolɛ le malɩn mõolɛ wakatɛ wuu. Tɔgɛ pa'alɛ ba tɩ ba bãŋɛ ba koŋre, gi ba, dee bɔ ba bʋraanɛ tɩ ba ɩta sõŋa, ɩta bɛla wuu la sũ-mã'asʋm dee tara zãsŋɔ pʋtẽ'erɛ.

³ Se'ere n soe la, wakatɛ n sẽm tɩ nẽrba kãn le bɔɔra tɩ ba selse sɩra zãsŋɔ la, ba wʋn dɔla la ba mẽŋa yɛm n boorɩ se'em, bɛla ba wʋn ɛɛra la karẽnsãandõma zozo'e n wʋn zãsʋm ba sɛla tɩ ba nõŋɛ tɩ ba selse mã'a.

⁴ Ba wʋn lɩ ba tʋba mɛ kãn sɛlsra sɩra la, dee wẽrgɛ sɛlsra sɛla n de sɔlma.

⁵ La fõn, tara fʋ mẽŋa sõŋa sɛla woo pʋam, sakɛ nãmsgɔ, mõolɛ Nawẽnnɛ kõ-yẽlga la, la fʋ tõm tõonɛ na tɩ Nawẽnnɛ dɩkɛ ẽŋɛ fʋ nu'usum na sõŋa.

⁶ La sãn dɛna mam, mam vɔm ãn wʋ ko'om tɩ ba ka'agɛ bɔ Nawẽnnɛ, mam daarɛ paagɛ mɛ, tɩ mam wʋn fõrgɛ.

⁷ Mam mẽ mẽerɛ sõŋa mɛ yãŋɛ, mam zoe paagɛ zʋa la tɛka mɛ, la mam bɔ Nawẽnnɛ sɩra mɛ ka basɛ.

⁸ Lɛɛlɛ wã, tã'arɛ yɔɔrɔ gã mɛ gu'ura mam, tɩ Zuudãana n diti sarɩya wʋ lan masɛ la, wʋn dɩkɛ bɔ mam daarɛ ẽŋa daarɛ. La, la dagɩ mam mã'a, la de la nẽr-sɛba wuu n nõŋɛ ẽ bɔɔra tɩ a leme wa'am na.

Apolɩ soolʋm Atimõtɩ tɩ a wa'am

⁹ Mõrgɛ wa'am mam zẽ'am tɔtɔ.

¹⁰ Se'ere n soe la, Ademasɩ basɛ mam mɛ dee sẽŋɛ Tesaloniki, ẽn nõŋɛ dũnia wã bõn-yooro la ĩyã. La Akresãnsɩ sẽŋɛ la Galatɩ, tɩ Atiti mẽ sẽŋɛ Dalmatɩ,

¹¹ Aluki mã'a n weege mam zẽ'am. Fʋ sãn sẽna, fʋ tarɩ Amarkɩ wa'am, tɩ a tarɩ sõŋrɛ mɛ bɔ mam tõonɛ na ĩyã.

¹² Mam tõm Atisiki la Efɛɛzɩ.

¹³ Fʋ sãn sẽna, fʋ dɩkɛ m ɔɔrɔ fuugo la tɩ mam daan basɛ Trʋasɩ Akarpusi zẽ'am na tarɩ wa'am, la fʋ dɩkɛ gõnnɔ na pa'asɛ, lan gãnnɩ wuu gõn-sɛba tɩ ba gʋlsɛ la dũnsi gãna kilim na.

¹⁴ Alɛgsãndrɩ n de kuta la ẽŋɛ mam na be'em halɩ zozo'e, Nawẽnnɛ wʋn yɔ ẽ ẽn ẽŋɛ se'em na.

¹⁵ Fʋ mẽ guuse fʋ mẽŋa la ẽ, tɩ a sɩ'ɩsɛ tõma yetɔga la mɛ zozo'e.

¹⁶ Mam n daan ze'ele sarɩyadia zẽ'am pɔspɔsɩ la, nẽra nẽra ka ze'ele mam poorʋm sõŋɛ mam, ba wuu basɛ mam mɛ. Nawẽnnɛ da geele ban ẽŋɛ se'em na.

¹⁷ La Zuudãana la daan ze'ele mam poorʋm mɛ sõŋɛ mam, bɔ mam pãŋa halɩ tɩ mam mõolɛ kõ-yẽlga la sõŋa sõŋa, tɩ bu-zãŋsɩ zozo'e wõm. La mam daan yẽ fãarɛ mɛ gɩgnɛ nõorʋm.

¹⁸ Zuudãana la n wʋn ken fãagɛ mam yese mam be'em wuu pʋam, kẽ'esɛ mam a so'olʋm na pʋam. Ẽŋa n soe nã'asgɔ wakatɛ n ka ba'asrɩ. Amina.

Pʋ'ʋsgɔ

¹⁹ Pʋ'ʋsɛ Aprisili, la Akila, la A'onezifɔɔrɩ yir-dõma.

²⁰ A'erastɩ weege la Korẽntɩ. La Atrofim bẽ'erɩ mɛ, tɩ mam basɛ ẽ Milɛtɩ.

²¹ Mõrgɛ wa'am dee tɩ ɔɔrɔ wakatɛ paagɛ. A'ebulusi la Apudẽnsɩ, la Alinusi, la Aklodia, la tɩ sɔbiisi la wuu pʋ'ʋsrɩ fɔ.

²² Tɩ Zuudãana wʋn bɔna la fɔ. Nawẽnnɛ wʋn ẽŋɛ ya a yel-sõnnɛ.

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan