Bìoball air-loidhne

1 Timoti 4 - Farefare Ninkaré

Põmpɔrŋɔ zãsŋɔ yelle

¹ Nawẽnnɛ Sɩa tɔgɛ mɛ vẽelga vẽelga yetɩ, dũnia ba'asgɔ wakatɛ, nẽrba basɛba wʋn basɛ Nawẽnnɛ sore doosgo, dee dɔla sɛla n de pã'asgɔ, la kʋlkã'arsɩ põmpɔrŋɔ zãsŋɔ.

² Ba de la põmpɔrndõma, la pʋlibsum dõma, tɩ ba zãsna põmpɔrŋɔ dee tɩ ba zuto ka zɛɛra.

³ Nẽr-bãma zãsnɩ nẽrba yetɩ, pɔgsɩ da ɛlla sɩrba, tɩ bʋraasɩ mẽ da dita pɔgba, la ba sisra dia basɛba da dita. La de la põmpɔrŋɔ, Nawẽnnɛ nãam bõn-bãma tɩ nẽr-sɛba n sakɛ ẽŋa mina sɩra la pʋ'ʋsra ẽ a yel-sõnnɛ dee dita ba.

⁴ Se'ere n soe la, sɛla woo tɩ Nawẽnnɛ nãam ãn sõŋa mɛ. Sɛla sɛla ka boe n de fʋ zagsɛ, fʋ sãn pʋ'ʋsɛ Nawẽnnɛ a yel-sõnnɛ.

⁵ Nawẽnnɛ yetɔga, la pʋ'ʋsgɔ n basrɩ tɩ sɛla woo ãna sõŋa Nawẽnnɛ zẽ'am.

Azezi tõntõn-sõŋɔ

⁶ Pa'alɛ sɔbiisi la bɛla, tɩ fʋ wʋn dɛna Azezi-krisi tõntõn-sõŋɔ, n to'oge Nawẽnnɛ yetɔga tɩ fʋ bɔ sɩra la, tɩ a pa'asra fʋ pãŋa, dee dɔla zãsŋɔ n de sɩra la sõŋa.

⁷ Zãagɛ fʋ mẽŋa la sɔlma n ka tarɩ võorɛ, dee keŋe fʋ mẽŋa dɔla Nawẽnnɛ sõŋa.

⁸ Nẽra n ɩtɩ se'em wɩsgra a ĩyã la tarɩ yõorɔ la fẽe, la a sãn dɔla Nawẽnnɛ sõŋa, la tarɩ yõorɔ mɛ sɛla woo pʋam, ẽŋa n sõŋrɩ tõma vɔm sɛka tɩ tɩ tarɩ lɛɛlɛ wã pʋam, dee wʋn bɔ tɔ vɔm n ka ba'asrɩ.

⁹ Yetɔg-ẽna de la sɩra, la a masɛ mɛ tɩ nẽra woo to'oge ẽ.

¹⁰ Bɛla, tõma n tõnnɩ nãmsra mõrgra la, la de la tõma n tarɩ pʋtẽ'erɛ gu'ura vɔm dãana Nawẽnnɛ n de nẽrsaalba wuu Fãagra la ĩyã, la a de la sɛba n bɔ ẽ sɩra la Fãagra gãnna.

¹¹ Pa'alɛ ba, dee zãsʋm ba bõn-bãna.

¹² Da basɛ tɩ nẽra zɛɛn fɔ, fõn de bõnbɩ'a la ĩyã, basɛ tɩ fʋ yetɔga, la fʋ yel-ɩrɛ, la fʋ nõŋlʋm, la fõn bɔ Nawẽnnɛ sɩra se'em, la fʋ pʋpeelem ãna sõŋa, tɩ la pa'alɛ Nawẽnnɛ nẽrba, bãma n wʋn vɔa se'em.

¹³ Mõrgɛ karẽŋra Nawẽnnɛ gõŋɔ pa'ala nẽrba, bɔ'ɔra ba bʋraanɛ, dee zãsna ba halɩ tɩ m wa wa'am.

¹⁴ Da basɛ bɔ'a la tɩ Nawẽnnɛ bɔ fɔ, tɩ ba daan to'oge Nawẽnnɛ yetɔga tɔgɛ a yelle, tɩ kẽma la daan dɩkɛ nu'usi paglɛ fʋ zuo pʋ'ʋsɛ bɔ fʋ la.

¹⁵ Tõm tõon-bãna sõŋa, dɩkɛ fʋ mẽŋa bɔ tõoma la, tɩ nẽrba wuu wʋn yẽ fõn sẽnnɩ nẽŋa se'em.

¹⁶ Guuse fʋ mẽŋa la fʋ vɔm, la fʋ zãsŋɔ la. Mõrgɛ ze'ele kãŋkãŋɛ ɩta bɛla wuu. Fʋ sãn ɩta bɛla, tɩ fʋ wʋn fãagɛ fʋ mẽŋa, la sɛba n selsrɩ fʋ la.

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan