Bìoball air-loidhne

1 Timoti 2 - Farefare Ninkaré

Pʋ'ʋsgɔ nẽrba wuu ĩyã

¹ Mam yetɩ ya mɛ lan gãnnɩ wuu, tɩ ya sɔsra dee kã'ara Nawẽnnɛ, dee pʋ'ʋsra ẽ a yel-sõnnɛ nẽrba wuu ĩyã.

² Sɔsra-ya Nawẽnnɛ bɔ'ɔra na'adõma, la sɛba wuu n tarɩ ke'eŋo, tɩ tɩ tã'agɛ vɔa la laafɛ, tɩ dãaŋɔ da bɔna, tɩ tɩ tã'agɛ dɔla Nawẽnnɛ sore sõŋa, tɩ tɩ yel-ɩrɛ ãna sõŋa.

³ Bõn-ẽna n ãn sõŋa bɔ Nawẽnnɛ n de tɩ Fãagra dee ãna a sũure yẽlʋm.

⁴ Ẽŋa n boorɩ tɩ nẽrba wuu yẽ fãarɛ, dee bãŋɛ sɛla n de sɩra.

⁵ Nawẽnnɛ ayɩla mã'a n boe, la nẽra ayɩla mã'a n mẽ boe nẽrba la Nawẽnnɛ tẽŋasʋka naara ba taaba, ẽŋa de la Azezi-krisi n lebge nẽrsaala la.

⁶ La de la ẽŋa n dɩkɛ a vɔm yɔ to'oge nẽrba wuu basɛ, bɛla de la kaseto n pa'alɛ tɩ Nawẽnnɛ n boorɩ tɩ a fãagɛ nẽrba wuu, a pa'alɛ bɛla la wakat-sɛka tɩ a looge la.

⁷ Bɛla tɩ Nawẽnnɛ daan looge mam tɩ m dɛna Azezi Tõntõnna dɩkɛ yel-ẽna wã mõolɛ, dee zãsʋm bu-zãŋsɩ Nawẽnnɛ sɩra tɩ ba bɔ ẽ sɩra. Mam tɔgrɩ la sɩra, mam ka parnɩ.

⁸ Bɛla mam boorɩ tɩ zẽ'a woo bʋraasɩ pʋ'ʋsra Nawẽnnɛ, ba zẽkɛ ba nu'usi la pʋpeelem pʋ'ʋsra Nawẽnnɛ, ba da tara sũ-isgre bɩɩ nõke'ene.

⁹ Pɔgsɩ mẽ yɛɛra futo wʋ lan masɛ, tɩ la da dɛna pa'al-m-mẽŋa bɩɩ yãnnɛ. Ba da ɛɛra tɩ ba nẽnnõm dɛna zuto lʋa, bɩɩ sãlma lɔgrɔ, bɩɩ kug-sõma lɔgrɔ, la futo ligri n zo'oge yɛa.

¹⁰ Ba basɛ tɩ ba yel-ɩrɛ ãna sõŋa wʋ pɔgsɩ n nannɩ Nawẽnnɛ n masɛ tɩ ba ɩta se'em.

¹¹ La masɛ tɩ zãsŋɔ wakatɛ pɔgsɩ ãna sĩm, dee sakra nõorɛ.

¹² Mam ka bɔ pɔgsɩ nõorɛ tɩ ba zãsna, bɩɩ ba sɔna bʋraasɩ, ba ãna sĩm.

¹³ La de la Adam tɩ Nawẽnnɛ daan dẽŋɛ nãam, dee yãŋa nãam Awa.

¹⁴ La, la dagɩ Adam tɩ Asũtãana daan pã'asɛ, a daan pã'asɛ la Awa yãŋɛ, tɩ a sɩ'ɩsɛ Nawẽnnɛ nõorɛ.

¹⁵ La baa pɔgsɩ n nãmsrɩ dee dɔgra la, ba tã wʋn yẽ fãarɛ, ba sãn mõrgɛ ze'ele kãŋkãŋɛ Nawẽnnɛ doosgo pʋam, tara nõŋlʋm la pʋpeelem, dee guusra ba mẽŋa.

« Roimhe

Air adhart »

Wycliffe Bible Translators, Inc.

Lean sinn:

Ceanglaichean taic

Sanasan