Lukéstar 13 - O Devlikano lil e Sumnale Lukahtar 1938 (Gurbet)

E vorba e Isusohći katar o baro peripe e Galilejengo thaj katar o pokajipe. Sastardipe katar jekh dešuoh̄to bršengo nasvalipe, subotaha. Paramiča thaj e vorbe e Devlehće thagarimahtar. E Irodohće sastra. O rovipe pala o Jerusalimo.

¹ Ande gola djivesa avile varsave džene thaj mothode lehće kaj o Pilato čhordah e Galilejengo rat, ćhinindo e žrtve e Devlehće.

² Thaj dindo vorba vov phendah lengje: Zar tumen paćan kaj von seha maj došale katar gola savor̄e, kaj gaći napatisalje, nasvaljardile.

³ Mothovav tumee: Niči! Te na pokajin tumen savor̄e, kam h̄asardon gadija kam mudardon.

⁴ A kana e kula ando Siloam pelah thaj eradilah pe gola dešuoh̄to džene thaj kana mudardah len, zar tumen paćan, kaj von seha maj bangje, maj došale katar e Jerusalimohće manuša.

⁵ A me phenav tumee: Niči! Te na pokajisajvona, savor̄e kam mudardivona.

⁶ Thaj phendah lengje gaja paramiči: Varesavo manuš sah, thaj sah le jekh smokva, savi bajrilah maškar e drakha. Jekhvar avilah vov te dikhel da li o kaš bijandah, thaj niči arakhlah niso.

⁷ Thaj phendah e drakharehće, e manušehće savo arakhel e drakha: Ake, o trito brš sar avav thaj rodav, a nisar našti arakhav kaj bijandah jekhvar, ćhin la! Sohće te bajrol maškar e reza, kana našti bijanel.

⁸ A vov dindo vorba phendah lehće: Bareja, muk la vi gava brš, dži kaj me hanavav e phuv oko late thaj te čhudav gošnja, gunoj, trujal late.

⁹ Te bijanela, lačhipe avela, a te niči, a tu ćhin la dži brše.

¹⁰ Jekhe subotaha sikadah vov ande jekh khangjiri.

¹¹ A inćate sah jekh džeji savi sah nasvali dešuoh̄to brš, bangjili, bizuralimahći, thaj našti inzajvola, sar bar̄ome, capenime ande zeja.

¹² Kana o Isuso dikhlah gova, akhardah la, andah la angla pehte, thaj phendah laće: Manušnije, akana kam nakhel o nasvalipe ćiro.

¹³ Thaj vov čhutah pire va pe late, a voj po than inzili tar thaj hvalisardah, ašardah e Devle.

¹⁴ A o šorutno e khangjirako h̄oljaljah kaj vov sastardah la subotone thaj dindo vorba phendah e manušengje: Si šov djive kana trubuj te ćerel pe bući. Aven ande godola djivesa te sastardon, a na te aven subotaha, savatone.

¹⁵ A o Baro vaćardah lehće: Hoh̄amneja! Zar svako maškar tumende subotaha niči putarel thaj mukel pire guruve thaj pire gjore, magarco, katar e jasle te igjarel len po paj?

¹⁶ A zar niči putaraha amen subotone gale dukhade čheja e Avramohćira, sajva o beng phanglah maj anglal dešuoh̄to bršendar.

¹⁷ Kana vov gava dijah vorba, e džungale manuša savor̄e ladžaje thaj lolile, a sa e aver džene veselisalje e šukare bućengje save vov ćerdaha.

¹⁸ Thaj o Isuso phendah lengje: Savo si o thagaripe, o rajipe e Devlehko? Sar te mothovav tumee godova?

¹⁹ Gova si sar jekh kućinor̄i e gorušicaći, savi o manuš lel thaj čhudel ande pi phuv, a gova palal bajrol, sar baro kaš, a e Devlehće čiriklja aven thaj bešen pe lehće krangujra.

²⁰ Thaj vov pale phendah: Sar te mothovav tume: Savo si o thagaripe e Devlehko?

²¹ Godova si sar o šuklo h̄umer, kaj lel e džeji thaj čhuvel ande trin vasujra ar̄o, dži kaj sa niči šukljol.

²² Thaj vov nakhlah krozo e thema, e forujra thaj e gava, sikavindo thaj džando ando Jerusalimo.

²³ A varesavo dženo phendah lehće: Bareja, da li si cîr̄a gola manuša save kam aven spasime? A vov phendah lengje.

²⁴ Čalaven te den pe cinone udaror̄a, kaj phenav tumee, but džene kam mangen te den andre, a našti dena.

²⁵ Kana uštela e ćherehko šorutno tha kana phandela o udar, a tumen ačhen avri thaj len te peken ande udara dindo vorba: Bareja, bareja, putar amee, vov kam tumee phenel: Me niči pindžarav tumen katar sen.

²⁶ A tumen ačhena te den vorba: Amen h̄alam angla tute thaj pilam, a pe droma tu sikadan amen.

²⁷ A vov kam phenel: Mothovav tumee pale, niči pindžarav tumen katar sen, našen mandar savor̄e, tumen, save ćeren bilačhipe.

²⁸ Inća kam avel rovipe thaj e dandengo ićharipe, kana dikhena e Avramo, e Isako, e Jakovo, thaj e prorokon ande Devlehko thagaripe, thaj kana tumen kam aven čhudine avri okothar.

²⁹ Thaj kam aven katar o istoko thaj katar o zapado katar o severo thaj katar o jugo, thaj von kam bešen te h̄an ande Deviehko thagaripe.

³⁰ Thaj, ake dikh, si gola paluvne, save kam aven e anglutne, a si pale anglutne sa ve kam aven maj palune.

³¹ Gole djivesehko avile varesave lilvarne, rašaja, dindo vorba lehće: Inkli, thaj dža tar akatar, kaj o Irodo kamel te mudarel tut.

³² A vov phendah lengje: Džan tar tha phenen gole lisicaće: Ake, tradav e bengjen andar e manuša, sastarav e manušen adjive thaj tehara, a e tritone djivesehko sa kam avel ćerdino.

³³ Ali adjive, tehara thaj avertehara trubuj te phirav, kaj jekh proroko našti h̄asarel po šoro van e Jerusalimohtar.

³⁴ Jerusalime! Jerusalime! Tu mudareh e prorokon, tu čhudeh tu e bar̄enca pe gola save si tuće bičhalde. Gaći droma kamlema te ćidav e čhavor̄en, sar e khanji kaj ćidel e piličonen tala pe phaka, a tumen gova niči kamlen.

³⁵ Ake, ita, ačhela tumaro ćher bi nikahko, a me mothovav: Tu men man niči dikhena dži kaj jekhe djivesehko niči phenena mae: Nek avel bah̄talo svako gova savo avel ande Devlehko anav.