ગીતશાસ્ત્ર 70 - પવિત્ર બાઇબલ OV Reference Bible (BSI)

સહાય માટે પ્રાર્થના

મુખ્ય ગવૈયાને માટે. સંભારણને અર્થે. દાઉદનું ગીત.

¹ હે ઈશ્વર, મને છોડાવવાને [ઉતાવળ કરો] ; હે યહોવા, મને સહાય કરવાને ઉતાવળ કરો.

² જેઓ મારો જીવ લેવા મથે છે, તેઓ ફજેત થઈને અસ્તવ્યસ્ત થઈ જાઓ. જેઓ મારું ભૂંડું ઇચ્છે છે, તેઓ પાછા ફરીને અપમાન પામો.

³ જેઓ “આહા! આહા!” કહે છે, તેઓ પાછા હઠો, અને નાસીપાસ થાઓ.

⁴ તમારા સર્વ શોધનારા હરખાઓ, અને તમારામાં આનંદ કરો! “ઈશ્વર મોટા મનાઓ!” એવું તમારા તારણના ઇચ્છનારાઓ સદા બોલો.

⁵ પરંતુ હું દીન તથા દરિદ્રી છું; હે ઈશ્વર, મારી પાસે આવવાને ઉતાવળ કરો; તમે મારા સહાયકારી તથા મને બચાવનાર છો; હે યહોવા, વિલંબ ન કરો.