ગીતશાસ્ત્ર 127 - પવિત્ર બાઇબલ OV Reference Bible (BSI)

ઈશ્વરના આશીર્વાદ વિના માનવ-મહેનત મિથ્યા

ચઢવાનું ગીત; સુલેમાનનું.

¹ જો યહોવા ઘર ન બાંધે, તો તેના બાંધનારાનો શ્રમ મિથ્યા છે; જો યહોવા નગરનું રક્ષણ ન કરે, તો ચોકીદારનું જાગવું કેવળ વ્યર્થ છે.

² તમારું વહેલું ઊઠવું અને મોડું સૂવું તથા કષ્ટ વેઠીને રોટલી ખાવી તે પણ વ્યર્થ છે; કેમ કે તે પોતાના વહાલાઓ ઊંઘતા [હોય તોપણ] તેમને આપે છે.

³ બાળકો તો યહોવાનું આપેલું ધન છે; પેટનાં સંતાન તેમના તરફનું પ્રતિદાન છે.

⁴ યુવાવસ્થામાંના પુત્રો બળવાનના હાથમાંના બાણ જેવા છે.

⁵ તેઓ વડે જેનો ભાથો ભરેલો છે તેને ધન્ય છે! તેઓ ભાગળમાં પોતાના શત્રુઓની સાથે બોલશે ત્યારે તેઓ ફજેત થશે નહિ.