ગીતશાસ્ત્ર 114 - પવિત્ર બાઇબલ OV Reference Bible (BSI)

નિર્ગમન સમયે પ્રભુનાં આશ્ચર્ય-કૃત્યો

¹ જ્યારે ઇઝરાયલીઓ મિસરમાંથી નીકળ્યા, એટલે યાકૂબનું કુટુંબ પરભાષા બોલનાર લોકોમાંથી નીકળ્યું;

² ત્યારે યહૂદિયા તેમનું પવિત્રસ્થાન, અને ઇઝરાયલ તેમનું રાજય થયું.

³ સમુદ્ર તે જોઈને નાઠો; યર્દન નદી પાછી હઠી.

⁴ પર્વતો મેંઢાઓની જેમ, અને ડુંગરો ગાડરની જેમ કૂદ્યા.

⁵ અરે સમુદ્ર, તને શું થયું કે તું નાસી ગયો? અરે યર્દન, તું કેમ પાછી હઠી?

⁶ અરે પર્વતો, તમને શું થયું કે તમે મેંઢાઓની જેમ કૂદ્યા? ડુંગરો, તમે કેમ ગાડરની માફક કૂદ્યા?

⁷ હે પૃથ્વી, પ્રભુની આગળ, યાકૂબના ઈશ્વરની આગળ, કાંપ.

⁸ તેમણે ખડકમાંથી સરોવર કર્યું, અને ચકમકમાંથી ઝરો બનાવ્યો.