ગીતશાસ્ત્ર 100 - પવિત્ર બાઇબલ OV Reference Bible (BSI)

સ્તુતિગાન

આભારસ્તુતિનું ગીત

¹ રે સર્વ દેશો, યહોવાની આગળ જયજયકાર કરો

² આનંદથી યહોવાની સેવા કરો; ગાતાં ગાતાં તેમની આગળ આવો.

³ યહોવા તે જ ઈશ્વર છે, એમ તમે માનો; તેમણે આપણને ઉત્પન્‍ન કર્યાં છે, અને આપણે તેમનાં જ છીએ; આપણે તેમના લોકો તથા તેમના ચારાનાં મેંઢાં છીએ.

⁴ આભાર માનતાં માનતાં તેમનાં દ્વારોમાં, અને સ્તવન કરતાં તેમનાં આંગણામાં આવો; તેમનો આભાર માનીને તેમના નામને ધન્યવાદ આપો.

⁵ કેમ કે યહોવા ઉત્તમ છે; તેમની કૃપા સર્વકાળ અને તેમની સત્યતા પેઢી દરપેઢી [ટકી રહે છે].