ગણના 1 - પવિત્ર બાઇબલ OV Reference Bible (BSI)

ઇઝરાયલની પ્રથમ વસતી ગણતરી

¹ અને ઇઝરાયલી લોકો મિસર દેશમાંથી નીકળ્યા ત્યાર પછી બીજા માસને પહેલે દિવસે સિનાઈના અરણ્યમામ મુલાકાતમંડપમાં યહોવાએ મૂસાને કહ્યું,

² “ઇઝરાયલી લોકોનાં કુળો પ્રમાણે તથા તેઓનાં નામની સંખ્યા પ્રમાણે, પ્રત્યેક પુરુષની માથાદીઠ ગણતરી કર.

³ વીસ વર્ષના ને તેથી વધારે ઉમરના ઇઝરાયલમાંના જેટલા લડાઈમાં જવાને શક્તિમાન છે તેમની ગણતરી, તેમનાં સૈન્યો પ્રમાણે, તું તથા હારુન કરો.

⁴ અને પ્રત્યેક કૂળમાંનો એક પુરુષ, જે તેના પિતાના ઘરનો મુખ્ય હોય, તે તમારી સાથે રહે.

⁵ અને જે માણસો તમારી સાથે ઊભા રહેશે તેઓનાં નામ આ છે: (કુળ) (કુળનો મુખ્ય) રૂબેનમાંનો:સદેઉરનો દિકરો અલીસૂર

⁶ શિમયોનમાંનો:સુરિશાદાઈનો દિકરો શલુમિયેલ.

⁷ યહૂદામાંનો:આમિનાદાબનો દિકરો

⁸ ઇસ્સાખારમાંનો:સુઆરનો દિકરો નથાનિએલ.

⁹ ઝબુલોનમાંનો:હેલોનનો દિકરો અલિયાબ.

¹⁰ યૂસફનો દિકરાઓમાંના એફ્રાઈમમાંનો:આમિહુદનો દિકરો એલિશામા. મનાશ્શામાંનો:પદાહસૂરનો દિકરો ગમાલ્યેલ.

¹¹ બિન્યામીનમાંનો :ગિદોનીનો દિકરો અબિદાન.

¹² દાનમાંનો:આમિશાદાઈનો દિકરો અહિયેઝેર

¹³ આશેરમાંનો:ઓક્રોનનો દિકરો પાગિયેલ.

¹⁴ ગાદમાંનો:દુએલનો દિકરો એલિયાસાફ.

¹⁵ નફતાલીમાંનો:એનાનનો દિકરો અહીરા.”

¹⁶ તેમના પિતાઓનાં કુળોના જે અધિપતિઓ, એટલે ઇઝરાયલના હજારોના મુખ્યો, પ્રજાએ પસંદ કર્યા તેઓ એ હતા.

¹⁷ અને જે માણસોનાં નામ અહીં આપેલાં છે તેઓને મૂસાએ તથા હારુને લીધા.

¹⁸ અને બીજા માસને પહેલે દિવસે તેઓએ સમગ્ર પ્રજાને એકત્ર કરી, અને તેઓએ તેઓનાં કુટુંબો પ્રમાણે તથા તેમના પિતાનાં ઉંમરનાનાં નામની સંખ્યા પ્રમાણે માથાદીઠ તેઓની વંશાવળી કહી સંભળાવી.

¹⁹ જેમ યહોવાએ મૂસાને આજ્ઞા આપી હતી તેમ તેણે સિનાઇના અરણ્યમાં તેઓની ગણતરી કરી.

રૂબેનના કુળમાં:૪૬, ૫૦૦

²⁰ અને ઇઝરાયલના જયેષ્ઠ પુત્ર રૂબેનના વંશમાં, તેઓનાં કુટુંબો તથા તેઓના પિતાનાં ઘર પ્રમાણે, તેઓનાં નામની સંખ્યા‍ પ્રમાણે માથાદીઠ વીસ તથા તેથી વધારે વર્ષની ઉમરના જેટલા પુરુષો લડાઈમાં જવાને શક્તિમાન હતા,

²¹ તેઓની ગણતરી, રૂબેનના કુળમાં, છેંતાળીસ હજાર પાંચસોની થઈ.

શિમયોનના કુળમાં:૫૯, ૩૦૦

²² શિમયોનના વંશમાં, તેઓનાં કુટુંબો તથા તેઓના પિતાનાં ઘર પ્રમાણે, તેઓની ગણતરી થઈ, વીસ તથા તેથી વધારે વર્ષની ઉમરના જેટલા પુરુષો લડાઈમાં જવાને શક્તિમાન હતા, તેઓનાં નામની સંખ્યા પ્રમાણે માથાદીઠ [ગણતરી] થઈ.

²³ તેઓની ગણતરી, શિમયોનના કુળમાં, ઓગણસાઠ હજાર ને ત્રણસોની થઈ.

ગાદના કુળમાં:૪૫, ૬૫૦

²⁴ ગાદના વંશમાં, તેઓનાં કુટુંબો તથા તેઓના પિતાનાં ઘર પ્રમાણે, વીસ તથા તેથી વધારે વર્ષની ઉંમરના જેટલા પુરુષો લડાઈમાં જવાને શક્તિમાન હતા, તેઓનાં નામની સંખ્યા પ્રમાણે,

²⁵ તેઓની ગણતરી, ગાદના કુળમાં, પિસ્તાળીસ હજાર છસો ને પચાસની થઈ.

યહૂદાના કુળમાં:૭૪, ૬૦૦

²⁶ યહૂદાના વંશમાં, તેઓનાં કુટુંબો તથા તેઓના પિતાનાં ઘર પ્રમાણે, વીસ તથા તેથી વધારે વર્ષની ઉંમરના જેટલા પુરુષો લડાઈમાં જવાને શક્તિમાન હતા, તેઓનાં નામની સંખ્ય પ્રમાણે

²⁷ તેઓની ગણતરી, યહૂદાના કુળમાં, ચુંમોતેર હજાર ને છસોની થઈ.

ઇસ્સાખારના કુળમાં:૫૪, ૪૦૦

²⁸ ઇસ્સાખારના વંશમાં, તેઓનાં કુટુંબો તથા તેઓના પિતાનાં ઘર પ્રમાણે, વીસ તથા તેથી વધારે વર્ષની ઉંમરના જેટલા પુરુષો લડાઈમાં જવાને શક્તિમાન હતા, તેઓનાં નામની સંખ્યા પ્રમાણે,

²⁹ તેઓની ગણતરી, ઇસ્સાખારના કુળમાં, ચોપન હજાર ને ચારસોની થઈ.

ઝબુલોનના કુળમાં:૫૭, ૪૦૦

³⁰ ઝબુલોનના વંશમાં, તેઓનાં કુટુંબો તથા તેઓના પિતાનાં ઘર પ્રમાણે, વીસ તથા તેથી વધારે વર્ષની ઉમરના જેટલા પુરુષો લડાઈમાં જવાને શક્તિમાન હતા, તેઓનાં નામની સંખ્યા પ્રમાણે,

³¹ તેઓની ગણતરી, ઝબુલોનના કુળમાં, સત્તાવન હજાર ને ચારસોની થઈ.

યૂસફના પુત્ર એફ્રાઈમના કુળમાં:૪૫, ૫૦૦

³² યૂસફના પુત્રોના, એટલે એફ્રાઈમના વંશમાં, તેઓનાં કુટુંબો તથા તેઓના પિતાનાં ઘર પ્રમાણે, વીસ તથા તેથી વધારે વર્ષની ઉમરના જેટલા પુરુષો લડાઈમાં જવાને શક્તિમાન હતા, તેઓનાં નામની સંખ્યા,

³³ તેઓની ગણતરી, એફ્રાઈમના કુળમાં, ચાળીસ હજારને પાંચસોની થઈ.

યૂસફપુત્ર મનાશ્શાના કુળમાં:૩૨, ૨૦૦

³⁴ યૂસફપુત્ર મનાશ્શાના વંશમાં, તેઓનાં કુટુંબો તથા તેઓના પિતાનાં ઘર પ્રમાણે, વીસ તથા તેથી વધારે વર્ષની ઉમરના જેટલા પુરુષો લડાઈમાં જવાને શક્તિમાન હતા, તેઓનાં નામની સંખ્યા પ્રમાણે,

³⁵ તેઓની ગણતરી, મનાશ્શાના કુળમાં, બત્રીસ હજાર ને બસોની થઈ.

બિન્યામીનના કુળમાં:૩૫, ૪૦૦

³⁶ બિન્યામીનના વંશમાં, તેઓનાં કુટુંબો તથા તેઓના પિતાનાં ઘર પ્રમાણે, વીસ તથા તેથી વધારે વર્ષની ઉમરના જેટલા પુરુષો લડાઈમાં જવાને શક્તિમાન હતા, તેઓનાં નામની સંખ્યા પ્રમાણે,

³⁷ તેઓની ગણતરી, બિન્યામીનના કુળમાં, પાંત્રીસ હજાર ને ચારસોની થઈ.

દાનના કુળમાં:૬૨, ૭૦૦

³⁸ દાનનાં વંશમાં, તેઓનાં કુટુંબો તથા તેઓના પિતાનાં ઘર પ્રમાણે, વીસ તથા તેથી વધારે વર્ષની ઉંમરના જેટલા પુરુષો લડાઈમાં જવાને શક્તિમાન હતા, તેઓનાં નામની સંખ્યા પ્રમાણે,

³⁹ તેઓની ગણતરી, દાનના કુળમાં, બાસઠ હજાર ને સાતસોની થઈ.

આશેરના કુળમાં:૪૧, ૫૦૦

⁴⁰ આશેરનઅ વંશમાં, તેઓનાં કુટુંબો તથા તેઓના પિતાનાં ઘર પ્રમાણે, વીસ તથા તેથી વધારે વર્ષની ઉમરના જેટલા પુરુષો લડાઈમાં જવાને શક્તિમાન હતા, તેઓનાં નામની સંખ્યા પ્રમાણે,

⁴¹ તેઓની ગણતરી, આશેરના કુળમાં, એકતાળીસ હજાર ને પાંચસોની થઈ.

નફતાલીના કુળમાં:૫૩, ૪૦૦

⁴² નફતાલીના વંશમાં, તેઓનાં કુટુંબો તથા તેઓના પિતાનાં ઘર પ્રમાણે, વીસ તથા તેથી વધારે વર્ષની ઉમરના જેટલા પુરુષો લડાઈમાં જવાને શક્તિમાન હતા, તેઓનાં નામની સંખ્યા પ્રમાણે,

⁴³ તેઓની, ગણતરી, નફતાલીના કુળમાં, ત્રેપન હજાર ને ચારસોની થઈ.

⁴⁴ જેઓની ગણતરી મૂસાએ તથા હારુને તથા ઇઝરાયલીઓના અધિપતિ બાર પુરુષોએ કરી તેઓ એ છે. તેઓ પોતપોતાના પિતાના ઘરની વતી હતા.

⁴⁵ અને ઇઝરાયલીઓમાંના જે સર્વની ગણતરી તેઓનાં પિતાના ઘર પ્રમાણે થઈ, એટલે વીસ તથા તેથી વધારે વર્ષની ઉમરના જેટલા લડાઈમાં જવાને શક્તિમાન હતા,

⁴⁶ તેઓની ગણતરી છ લાખ ત્રણ હજાર પાંચસો ને પંચાસની થઈ.

⁴⁷ પણ તેઓ મધ્યે લેવીઓની તેઓના પિતાનાં કુળ પ્રમાણે ગણતરી કરવામાં આવી નહિ.

⁴⁸ કેમ કે યહોવાએ મૂસાને કહ્યું,

⁴⁹ “કેવળ લેવીના કુળની ગણતરી તું ન કર, ને ઇઝરાયલીઓમાં તેઓની કુલ સંખ્યા તું ન કાઢ.

⁵⁰ પણ તું લેવીઓને કરારના મંડપ પર તથા તેના બધા સરસામાન પર, તથા તેને લગતી સર્વ બાબતો પર ઠરાવ. તેઓ મંડપને તથા તેના સર્વ સરસામાનને ઊંચકી લે; અને તેઓ તેની સંભાળ રાખે, ને મંડપની આસપાસ છાવણી કરે.

⁵¹ અને મંડપને આગળ ચાલવાનો વખત થાય, ત્યારે લેવીઓ તેને પાડે; અને મંડપ ચોઢવાનો હોય, ત્યારે લેવીઓ તેને ઊભો કરે; અને જે પારકો પાસે આવે તે માર્યો જાય.

⁵² અને ઇઝરાયલીઓ, પ્રત્યેક માણસ પોતપોતાની છાવણીની પાસે, ને પ્રત્યેક માણસ પોતપોતાની ધજાની પાસે, પોતાનાં સૈન્યો પ્રમાણે, પોતપોતાનો તંબુ ઊભો કરે.

⁵³ પણ લેવીઓ કરારના મંડપની આસપાસ છાવણી કરે, કે ઇઝરાયલી પ્રજા પર કંઈ કોપ ન આવે. અને લેવીઓ કરારના મંડપની સંભાળ રાખે.”

⁵⁴ ઇઝરાયલિ લોકોએ એ પ્રમાણે કર્યું. યહોવાએ જે સર્વ આજ્ઞા મૂસાને આપી હતી, તે પ્રમાણે તેઓએ કર્યું.