અયૂબ 25 - પવિત્ર બાઇબલ OV Reference Bible (BSI)

બિલ્દાદ

¹ ત્યારે બિલ્દાદ શૂહીએ ઉત્તર આપ્યો,

² “સત્તા તથા ભય તેમની પાસે છે; તે પોતાનાં ઉચ્ચસ્થાનોમાં શાંતિ કરે છે.

³ શું તેમનાં સૈન્યોની કંઈ ગણતરી છે? અને કોના ઉપર તેમનું અજવાળું નથી ઊગતું?

⁴ તો ઈશ્વરની હજૂરમાં મનુષ્ય કેમ કરીને ન્યાયી ઠરે? કે સ્ત્રીજન્ય કેવી રીતે પવિત્ર હોઈ શકે?

⁵ જો, ચંદ્ર પણ નિસ્તેજ છે, અને તેમની દષ્ટિમાં તારાઓ પણ નિર્મળ નથી;

⁶ તો મનુષ્ય જે કીડા જેવો છે તે, અને મનુષ્યપુત્ર જે કીડો જ છે તે [કેવી રીતે પવિત્ર હોઈ શકે] !”