ઝખાર્યા 4 - પવિત્ર બાઇબલ C.L.

¹ મારી સાથે વાત કરનાર દૂતે મારી પાસે ફરી આવીને હું જાણે નિદ્રામાં પડયો હોઉં તેમ મને જગાડયો.

² તેણે પૂછયું, “તું શું જુએ છે?” મેં જવાબ આપ્યો, “હું એક સુવર્ણ દીવી જોઉં છું. તેની ટોચે તેલ માટે પ્યાલો છે. દીવી પર સાત દીવા છે અને સાતેય દીવા પર દિવેટો મૂકવાના સાત સાત ખાંચા છે.

³ દીવી પાસે તેની બન્‍ને બાજુએ એક એક એમ બે ઓલિવ વૃક્ષો છે.”

⁴ પછી મેં દૂતને પૂછયું, “મહાશય, આ બધાં શો અર્થ સૂચવે છે?”

⁵ તેણે મને પૂછયું, “તને ખબર નથી?” મેં જવાબ આપ્યો, “ના, મહાશય.”

ઝરુબ્બાબેલને પ્રભુનું વચન

⁶ દૂતે પ્રભુ તરફથી ઝરુબ્બાબેલને જણાવવા મને આ સંદેશો આપ્યો: “તું લશ્કરી તાક્તથી નહિ, તારા પોતાના બળથી નહિ, પણ મારા આત્માથી સફળતા હાંસલ કરશે.

⁷ મોટા પર્વતોના જેવા અવરોધો તારી સમક્ષ સપાટ મેદાન જેવા સીધા બની જશે. તું મંદિરના પુન:બાંધક્મનો આરંભ કરશે, અને તું તેનો છેલ્લો પથ્થર પણ મૂકશે અને ત્યારે લોકો, ‘સુંદર!’ એવો પોકાર કરશે.”

⁸ પ્રભુ તરફથી મારી પાસે બીજો એક સંદેશો આવ્યો,

⁹ તેમણે કહ્યું, “ઝરુબ્બાબેલે મંદિરનો પાયો નાખ્યો છે અને તેને જ હાથે બાંધક્મ પૂર્ણ થશે. એવું બને ત્યારે મારા લોકો જાણશે કે મેં તને મોકલ્યો છે.

¹⁰ ક્મની પ્રગતિ ખૂબ જ ધીમી હોઈ તેઓ નિરાશ થઈ ગયા છે. પણ ઝરુબ્બાબેલને મંદિરનું બાંધક્મ ચાલુ રાખતો જોઈને તેઓ હર્ષ પામશે.” દૂતે મને કહ્યું, “સાત દીવા તો આખી પૃથ્વીનું નિરીક્ષણ કરનારી પ્રભુની સાત આંખો છે.”

¹¹ પછી મેં તેને પૂછયું, “દીવીની બન્‍ને બાજુએ આ જે બે ઓલિવવૃક્ષો છે તેમનો શો અર્થ છે?

¹² વળી, સોનાની બે નળીઓ જેમાંથી ઓલિવ તેલ રેડાય છે તેની બાજુનાં બે ઓલિવ વૃક્ષની ડાળીઓ શું સૂચવે છે?”

¹³ તેણે મને પૂછયું. “તને ખબર નથી?” મેં જવાબ આપ્યો, “ના, મહાશય.”

¹⁴ તેથી તેણે કહ્યું, “એ તો આખી પૃથ્વીના પ્રભુએ તેમની સેવાને માટે પસંદ કરી અભિષિક્ત કરેલા બે માણસો છે.”