ગીતશાસ્ત્ર 70 - પવિત્ર બાઇબલ C.L.

સહાય માટે યાચના

(સંગીત સંચાલક માટે સૂચના: યાદગીરીને અર્થે દાવિદનું ગીત)

¹ હે ઈશ્વર, મને ઉગારો; હે પ્રભુ, સત્વરે મારી સહાય કરો.

² જેઓ મારો જીવ લેવા પ્રયાસ કરે છે તેમને તમે લજ્જિત કરો અને ગૂંચવી નાખો. જેઓ મને ઈજા પહોંચાડવાની ઇચ્છા રાખે છે, તેમને તમે નસાડો અને અપમાનિત કરો.

³ જેઓ મારી ઠેકડી ઉડાડતાં ‘આહા, આહા’ કહે છે, તેમને તમે તેમની શરમજનક મશ્કરીને લીધે પાછા હટાવો.

⁴ પરંતુ તમારા શોધકો તમારાથી હર્ષિત અને આનંદિત બનો; તમારા ઉદ્ધારના ચાહકો નિત્ય કહો કે, “ઈશ્વર કેટલા મહાન છે!”

⁵ હું પીડિત અને દરિદ્ર છું; હે ઈશ્વર, સત્વરે મારી સહાય કરો. તમે જ મારા બેલી અને મુક્તિદાતા છો; હે પ્રભુ, વિલંબ ન કરો.