ગીતશાસ્ત્ર 25 - પવિત્ર બાઇબલ C.L.

માર્ગદર્શન અને રક્ષણ માટે પ્રાર્થના א આલેફ

(દાવિદનું ગીત)

¹ હે પ્રભુ, હું મારા ખરા દયથી તમારી ઉપાસના કરું છું.

ב બેથ

² હે મારા ઈશ્વર, હું તમારા પર ભરોસો રાખું છું, મારી લાજ રાખજો; મારા શત્રુઓને મારા પર જયજયકાર કરવા ન દો.

ג ગિમેલ

³ તમારા પર આશા રાખનારાઓ લજવાશે નહિ. પરંતુ, તમારો વિનાકારણ વિશ્વાસઘાત કરનારા લજવાશે.

ד‎ દાલેથ

⁴ હે પ્રભુ, મને તમારો માર્ગ દર્શાવો; મને તમારા રસ્તાને અનુસરવાનું શીખવો.

ה‎ હે

⁵ તમે મારા ઉદ્ધારક ઈશ્વર છો. મને તમારા સાચા માર્ગે ચાલતાં શીખવો, હું સદા તમારા પર આશા રાખું છું.

ו વાવ ז ઝાયિન

⁶ હે પ્રભુ, તમારી રહેમ અને તમારા પ્રેમનું સ્મરણ કરો! એ તમે સદા દર્શાવતા રહો છો.

ח ખેથ

⁷ મારી યુવાનીમાં કરેલાં પાપ અને અપરાધો સંભારશો નહિ, પણ હે પ્રભુ, તમારી ભલાઈ અને તમારા પ્રેમ પ્રમાણે મને સંભારો.

ט ટેથ

⁸ પ્રભુ ભલા અને સાચા છે. તેથી તે પાપીઓને પોતાના માર્ગ વિષે શીખવશે.

י યોદ

⁹ નમ્રજનોને તે સાચે માર્ગે દોરે છે અને તેમને પોતાના માર્ગ વિશે શીખવે છે.

כ કાફ

¹⁰ પ્રભુની આજ્ઞાઓ અને તેમનો કરાર પાળનારાઓને માટે તેમના માર્ગો પ્રેમ અને સચ્ચાઈપૂર્ણ છે.

ל લામેદ

¹¹ હે પ્રભુ, તમારા નામની ખાતર મારા મોટા અપરાધની મને ક્ષમા આપો.

מ મેમ

¹² જો કોઈ પ્રભુનો આદરપૂર્વક ડર રાખે, તો પ્રભુ તેને કયો માર્ગ પસંદ કરવો તે શીખવશે.

נ નૂન

¹³ તે જાતે સુખી થશે; વળી, તેના વંશજો દેશનો વારસો પામશે.

ס સામેખ

¹⁴ પ્રભુ તેમના ભક્તોને પોતાના ગૂઢ ઇરાદા જણાવે છે, અને તેમની સાથેના પોતાના કરારનું સમર્થન કરે છે.

ע આયિન

¹⁵ મારી મીટ સદા પ્રભુ પર મંડાયેલી છે: કારણ, તે જ મારા પગોને જાળમાંથી છોડાવનાર છે.

פ પે

¹⁶ હે પ્રભુ, મારા તરફ જુઓ અને મારા પ્રત્યે દયા દર્શાવો; કારણ, હું એકલવાયો અને દુ:ખી છું.

צ ત્સાદે

¹⁷ મારા દયની પારાવાર વેદના દૂર કરો અને મારાં બધાં સંકટોમાંથી મને ઉગારો.

ק કોફ

¹⁸ મારાં દુ:ખો અને મુશ્કેલીઓ જુઓ; મારાં સર્વ પાપોની ક્ષમા આપો.

ר રેશ

¹⁹ મારા શત્રુઓની સંખ્યા કેટલી મોટી છે તે જુઓ; તેઓ મારી ક્રૂર ઘૃણા કરે છે

ש શીન

²⁰ મારા જીવની રક્ષા કરો અને મને છોડાવો; મારી લાજ રાખજો, કારણ, હું તમારે શરણે આવ્યો છું.

ת તાવ

²¹ પ્રામાણિક્તા અને સચ્ચાઈ મારું રક્ષણ કરો; કારણ, હું તમારી આશા રાખું છું.

²² હે ઈશ્વર, તમારા લોક ઇઝરાયલને તેમનાં સર્વ સંકટોમાંથી છોડાવો.