ગીતશાસ્ત્ર 111 - પવિત્ર બાઇબલ C.L.

પ્રભુનાં મહાન કાર્યો માટે તેમની સ્તુતિ

¹ યાહની સ્તુતિ કરો: હાલ્લેલૂયાહ! હું સંપૂર્ણ દયથી પ્રભુનો આભાર માનીશ; સરળજનોના સમુદાયમાં એટલે ભક્તિસભામાં તેમની સ્તુતિ કરીશ.

א આલેફ ב બેથ ג ગિમેલ

² પ્રભુનાં કાર્યો મહાન છે; તેમનામાં આનંદ પામનાર સૌ તેમનું અયયન કરે છે.

ד‎ દાલેથ ה હે

³ તેમનું દરેક કાર્ય મહિમા અને ભવ્યતાથી પરિપૂર્ણ છે; તેમની ભલાઈ સદાકાળ ટકે છે.

ו વાવ ז ઝાયિન

⁴ ઈશ્વર પોતાનાં અજાયબ કાર્યો દ્વારા તેમનું સંસ્મરણ કરાવે છે; પ્રભુ કૃપાળુ તથા દયાળુ છે.

ח ખેથ ט ટેથ

⁵ તે પોતાના ભક્તોને ખોરાક પૂરો પાડે છે; તે પોતાના કરારને સદા યાદ રાખે છે.

י યોદ כ કાફ

⁶ પોતાના લોકો સમક્ષ પોતાનું પરાક્રમ પ્રગટ કરવા, ઈશ્વરે અન્ય પ્રજાઓનો વારસામય દેશ તેમને આપ્યો છે.

ל લામેદ מ મેમ

⁷ તેમનાં હાથનાં કાર્યોમાં સચ્ચાઈ અને ઇન્સાફ છે; તેમની આજ્ઞાઓ વિશ્વસનીય છે;

נ નૂન ס સામેખ

⁸ તે સદાને માટે અવિચળ છે; તે સચ્ચાઈ અને શુદ્ધતામાં ઘડાયેલી છે.

ע આયિન פ પે

⁹ ઈશ્વરે પોતાના લોકો માટે મુક્તિમૂલ્ય ચૂકવ્યું છે; તેમણે સદાકાળ માટે પોતાનો કરાર સ્થાપ્યો છે; તેમનું નામ પવિત્ર અને ભયાવહ છે.

צ ત્સાદે ק કોફ ר રેશ

¹⁰ પ્રભુનો આદરયુક્ત ડર રાખવો એ જ જ્ઞાનનો આરંભ છે; તે પ્રમાણે વર્તનારને ઉત્તમ સમજ પ્રાપ્ત થાય છે. ઈશ્વરની સ્તુતિ સર્વકાળ ટકશે.