ગીતશાસ્ત્ર 100 - પવિત્ર બાઇબલ C.L.

સ્તવન ગીત

(આભારસ્તુતિનું ગીત)

¹ હે પૃથ્વીના સર્વ લોકો, પ્રભુની સંમુખ જયજયકાર કરો.

² આનંદથી પ્રભુની ભક્તિ કરો; ઉત્સાહથી ગાતાં ગાતાં તેમની હજૂરમાં આવો.

³ એકમાત્ર પ્રભુ જ ઈશ્વર છે એવું કબૂલ કરો; તેમણે જ આપણને સર્જ્યાં અને આપણે તેમનાં જ છીએ. આપણે તેમના લોક અને તેમની ચરાણનાં ઘેટાં છીએ.

⁴ આભાર માનતાં માનતાં તેમના મંદિરનાં દ્વારોમાં પ્રવેશો અને સ્તવન કરતાં કરતાં તેમનાં આંગણામાં આવો. તેમની આભારસ્તુતિ કરો અને તેમના નામને ધન્ય કહો.

⁵ સાચે જ પ્રભુ ભલા છે; તેમનો પ્રેમ સદાસર્વકાળ, અને તેમનું વિશ્વાસુપણું પેઢી દર પેઢી ટકી રહે છે.