૧ કાળવૃત્તાંત 8 - પવિત્ર બાઇબલ C.L.

બિન્યામીનના વંશજો

¹ બિન્યામીનને પાંચ પુત્રો હતા: વયના ક્રમ પ્રમાણે તેઓ આ છે: બેલા, આશ્બેલ, અહારા,

² નોહા અને રાફા.

³ બેલાના વંશજો આ પ્રમાણે છે: આદ્દાર, ગેરા, એહુદ,

⁴ અબિશુઆ, નામાન, અહોઆહ,

⁵ ગેરા, શફૂફાન અને હુરામ.

^6-7 એહૂદના વંશજો નામાન, અહિયા અને ગેરા હતા. તેઓ ગેબામાં વસતા કુટુંબોના વડા હતા. તેમનાં એ કુટુંબોને ત્યાંથી માનહાથમાં લઈ જવામાં આવ્યા હતા. આ સ્થળાંતરમાં તેમની આગેવાની કરનાર ઉઝઝા અને અહિહુદનો પિતા ગેરા હતો.

^8-9 શહરાઈમે પોતાની બે પત્નીઓ હુશીમ અને બારાથી લગ્નવિચ્છેદ કર્યો. પાછળથી તે મોઆબના પ્રદેશમાં રહેતો હતો ત્યારે તેણે હોદેશ સાથે લગ્ન કર્યાં અને તેમને સાત પુત્રો હતા: યોબાબ, સિબિયા, મેશા, માલ્કામ,

¹⁰ યેઉસ, શાખિયા અને મિર્મા. તેના બધા પુત્રો કુટુંબોના વડા બન્યા.

¹¹ તેને હુશીમથી પણ બે પુત્રો હતા અબિટુબ અને એલ્પાલ.

¹² એલ્પાલને ત્રણ પુત્રો હતા: એબેર, મિશામ અને શેમેદ. શેમેદે, ઓનો અને લોદ નગરો અને તેમનાં આસપાસનાં ગામો બંધાવ્યાં.

ગાથ અને આયાલોનમાં વસેલા બિન્યામીનીઓ

¹³ બરિયા અને શેમા આયાલોન નગરમાં વસતાં કુટુંબોના વડા હતા. તેમણે ગાથનગરના લોકોને હાંકી કાઢયા,

¹⁴ અહિયો, શાશાક, યરેમોથ,

¹⁵ ઝબદિયા, આરાદ, એદેર,

¹⁶ મિખાયેલ, યિશ્પા અને યોહા એ બરિયાના વંશજો હતા.

યરુશાલેમમાં વસતા બિન્યામીનીઓ

¹⁷ એલ્પાલના વંશજો આ પ્રમાણે છે: ઝબદિયા, મશુલ્લામ, હિઝકી, હેબેર.

¹⁸ યિશ્મરાય, યિઝલિયા અને યોબાબ.

¹⁹ શિમઈના વંશજો આ પ્રમાણે છે: યાકીમ, ઝિખ્રી, ઝાબ્દી,

²⁰ એલિયોનાય, સિલ્લાથાય, એલિયેલ,

²¹ અદાયા, બરાયા અને શિમ્રાથ.

²² શાશાકના વંશજો આ પ્રમાણે હતા: યિશ્પાન, એબેર, એલિયેલ,

²³ આબ્દોન, ઝિખ્રી, હાનાન,

²⁴ હનાન્યા, એલામ આન્થોથિયા

²⁵ યિફદયા અને પનુએલ. યરોહામના વંશજો આ પ્રમાણે છે:

²⁶ શામ્શરાય, શહાર્યા, અથાલ્યા,

²⁷ યારેશ્યા, એલિયા અને ઝિખ્રી.

²⁸ આ બધા પૂર્વજોના કુટુંબોના વડા તેમજ મુખ્ય વંશજો હતા. તેઓ યરુશાલેમમાં રહેતા હતા.

ગિબ્યોન અને યરુશાલેમમાં રહેતા બિન્યામીનીઓ

²⁹ યેઈએલે ગિબ્યોન વસાવ્યું હતું અને ત્યાં જ ઠરીઠામ થયો. તેની પત્નીનું નામ માખા હતું,

³⁰ અને તેનો સૌથી મોટો પુત્ર આબ્દોન હતો.

³¹ તેના બીજા પુત્રો સૂર, કીશ, બઆલ, નેર, નાદાબ, ગેદોર, અહિયો, ઝેખેર.

³² શિમ્યાનો પિતા મિકલોથ હતો. તેમના વંશજો તેમના ગોત્રના બીજાં કુટુંબો સાથે યરુશાલેમમાં રહેતા હતા.

શાઉલ રાજાનું કુટુંબ

³³ નેર કીશનો પિતા હતો અને કીશ શાઉલ રાજાનો પિતા હતો. શાઉલને ચાર પુત્રો હતા: યોનાથાન, માલ્ખીશૂઆ, અબિનાદાબ અને એશબઆલ.

³⁴ યોનાથાન મરીબઆલનો પિતા હતો, જે મિખાનો પિતા હતો.

³⁵ મિખાને ચાર પુત્રો હતા: પિથોન, મેલેખ, તારેયા, અને આહાઝ.

³⁶ આહાઝ યહોઆદાનો પિતા હતો. યહોઆદાને ત્રણ પુત્રો હતા: આલેમેથ, આઝમાવેથ અને ઝિમ્રી. ઝિમ્રી મોસાનો પિતા હતો.

³⁷ મોસા બિનિયાનો, બિનિયા રાફાનો, રાફા એલ્યાસાનો અને એલ્યાસા આસેલનો પિતા હતો.

³⁸ આસેલને છ પુત્રો હતા: આઝીકામ, બોખરું, ઇશ્માએલ, શાર્યા, ઓબાદ્યા અને હાનાન.

³⁹ આસેલના ભાઈ એશેકને ત્રણ પુત્રો હતા: ઉલામ, યેઉશ અને એલિફેલેટ.

⁴⁰ ઉલામના પુત્રો અગ્રગણ્ય યોદ્ધાઓ અને ધનુર્ધારી હતા. તેને બધા મળીને એક્સો પચાસ પુત્રો અને પ્રપૌત્રો હતા. એ બધા બિન્યામીનના કુળના વંશજો હતા.