૧ કાળવૃત્તાંત 2 - પવિત્ર બાઇબલ C.L.

યહૂદાના વંશજો

¹ ઇઝરાયલના બાર પુત્રો આ છે: રૂબેન, શિમયોન, લેવી, યહૂદા, ઇસ્સાખાર, ઝબુલૂન:

² દાન, યોસેફ, બિન્યામીન, નાફતાલી, ગાદ તથા આશેર.

³ યહૂદાના પુત્રો તેની કનાની પત્ની બાથ-શૂઆને જન્મેલા પુત્રો-એર, ઓનાન તથા શેલા. તેનો જયેષ્ઠપુત્ર એર એટલો દુષ્ટ હતો કે પ્રભુએ તેને મારી નાખ્યો.

⁴ પોતાની પુત્રવધૂ તામારથી યહૂદાને બે પુત્રો હતા: પેરેસ અને ઝેરા. યહૂદાને એમ કુલ પાંચ પુત્રો હતા.

⁵ પેરેસના પુત્રો: હેસ્રોન તથા હામૂલ.

⁶ તેના ભાઈ ઝેરાને પાંચ પુત્રો હતા: ઝિમ્રી, એથાન, હેમાન, કાલ્કોલ તથા દારા.

⁷ ઝેરાના વંશના કાર્મીનો પુત્ર આખાર. સમર્પિત વસ્તુ રાખી લઈને તે ઇઝરાયલીઓ પર આફત લાવ્યો હતો.

⁸ એથાનનો એકમાત્ર પુત્ર: અઝાર્યા.

દાવિદ રાજાના કુટુંબના પૂર્વજો

⁹ હેસ્રોનને ત્રણ પુત્રો હતા: યરાહમેલ, રામ તથા કાલેબ.

¹⁰ રામથી યિશાઈ સુધીની વંશાવળી આ પ્રમાણે છે: રામ, આમ્મીનાદાબ, નાહશોન (તે યહૂદાના કુળનો અધિપતિ હતો).

¹¹ સાલ્મા, બોઆઝ,

¹² ઓબેદ અને યિશાઈ.

¹³ યિશાઈને સાત પુત્રો હતા. ઉંમરના ક્રમે તેઓ આ પ્રમાણે છે: એલિયાબ, અબિનાદાબ, શિમયા

¹⁴ નથાનિયેલ, રાદ્દાય,

¹⁵ ઓસેમ અને દાવિદ.

¹⁶ બે પુત્રીઓ પણ હતી: સરુયા અને અબિગાઈલ. યિશાઈની પુત્રી સરુયાને ત્રણ પુત્રો હતા: અબિશાય, યોઆબ, અન અસાહેલ.

¹⁷ તેની બીજી પુત્રી અબિગાઈલે ઇશ્માએલી વંશના યેથેર સાથે લગ્ન કર્યું હતું. તેમના પુત્રનું નામ અમાસા હતું.

હેસ્રોનના વંશજો

¹⁸ હેસ્રોનના પુત્ર કાલેબની પત્ની અઝુબા હતી. તેમને યરીયોથ નામની દીકરી હતી. અઝુબાથી ત્રણ પુત્રો પણ થયા: યેશેર, શોબાબ તથા આર્દોન.

¹⁹ અઝુબાના મરણ પછી કાલેબે એફ્રાથ સાથે લગ્ન કર્યાં, અને તેમને હૂર નામે પુત્ર થયો.

²⁰ હૂરનો પુત્ર ઉરી હતો અને ઉરીનો પુત્ર બસાલએલ હતો.

²¹ હેસ્રોન સાઠ વર્ષનો થયો ત્યારે તેણે માખીરની પુત્રી, ગિલ્યાદની બહેન સાથે લગ્ન કર્યાં.

²² હેસ્રોનથી તેને સગૂબ થયો. સગૂબ યાઇરનો પિતા હતો. ગિલ્યાદ પ્રાંતમાં ત્રેવીસ નગરો યાઇરના તાબામાં હતાં.

²³ ગશૂર તથા અરામે યાઇરનાં નગરો, કનાથનાં નગરો તથા આસપાસનાં ગામ સહિત સાઠ નગરો જીતી લીધાં. ત્યાંના સર્વ રહેવાસીઓ ગિલ્યાદના પિતા માખીરના વંશજો હતા.

²⁴ હેસ્રોનના મરણ પછી તેના પુત્ર કાલેબે તેના પિતાની વિધવા એફ્રાથ સાથે લગ્ન કર્યાં તેમને આશ્હુર થયો. આશ્હુર તકોઆનો પિતા હતો.

યરાહમેલના વંશજો

²⁵ હેસ્રોનના જયેષ્ઠપુત્ર યરાહમેલના પુત્રો આ હતા: જયેષ્ઠપુત્ર રામ, પછી બૂના ઓરેન, ઓઝઝેમ તથા અહિયા.

²⁶ યરાહમેલને અટારા નામે બીજી એક સ્ત્રી હતી; તે ઓનામની મા હતી.

²⁷ યરાહમેલના જયેષ્ઠપુત્ર રામના પુત્રો: માસ, યામીન તથા એકેર.

²⁸ ઓનામના પુત્રો: શામ્માય તથા યાદા હતા. શામ્માયના પુત્રો નાદાબ તથા અબિશૂર.

²⁹ અબિશૂરની પત્નીનું નામ અબિહાઇલ હતું. તેમને બે પુત્રો થયા: આહબાન અને મોલીદ.

³⁰ નાદાબના પુત્રો: સેલેદ તથા આપ્પાઇમ; પણ સેલેદ નિ:સંતાન મરી ગયો.

³¹ આપ્પાઇમનો પુત્ર: યિશઈ; યિશઇનો પુત્ર: શેશાન; અને શેશાનનો પુત્ર: આહલાય.

³² શામ્માયના ભાઈ યાદાના પુત્રો: યેથેર અને યોનાથાન; યેથેર નિ:સંતાન મરી ગયો.

³³ યોનાથાનના પુત્રો: પેલેથ તથા ઝાઝા, એ સર્વ યરાહમેલના વંશજો હતા.

³⁴ શેશાનને પુત્રો ન હતા, પણ પુત્રીઓ જ હતી. તેને યાર્હા નામે એક ઇજિપ્તી નોકર હતો.

³⁵ પોતાની એક પુત્રીનાં લગ્ન તેણે યાર્હા સાથે કરાવ્યાં. તેમને આત્તાય જન્મ્યો.

³⁶ આત્તાયથી એલીશામા સુધીની વંશાવળી આ પ્રમાણે છે: આત્તાય, નાથાન, ઝાબાદ;

³⁷ એફલાલ, ઓબેદ,

³⁸ યેહૂ, અઝાર્યા,

³⁹ હેલેસ, એલાસા,

⁴⁰ સિસ્માય,

⁴¹ શાલ્લૂમ, યકામ્યા, અને એલિશામા.

કાલેબના વંશજો

⁴² યરાહમેલના ભાઈ કાલેબના પુત્રો આ હતા: તેનો જયેષ્ઠપુત્ર મેશા ઝીફનો પિતા હતો. ઝીફ મારેશાનો પિતા હતો. મારેશા હેબ્રોનનો પિતા હતો.

⁴³ હેબ્રોનને ચાર પુત્રો હતા: કોરા, તાપ્પૂઆ, રેકેમ તથા શેમા.

⁴⁴ શેમા રાહામનો પિતા હતો અને રાહામ યોર્કઆમનો પિતા હતો. શેમાનો ભાઈ શામ્માઈનો પિતા હતો,

⁴⁵ શામ્માઈ માઓનનો પિતા હતો, માઓન બેથ-શૂરનો પિતા હતો.

⁴⁶ કાલેબની ઉપપત્ની એફાહથી તેને ત્રણ પુત્ર હતા: હારાન, મોસા તથા ગાઝેઝ. હારાનને પણ ગાઝેઝ નામે પુત્ર હતો.

⁴⁷ (યહાદાય નામે એક માણસને છ પુત્રો હતા: રેગેમ, યોથામ, ગેશાન, પેલેટ, એફા અને શાફ.)

⁴⁸ કાલેબને માઅખાહ નામે બીજી ઉપપત્ની હતી. તેનાથી કાલેબને બે પુત્રો હતા: શેબેર તથા તિર્હના.

⁴⁹ પાછળથી તેને બીજા બે પુત્રો પણ જન્મ્યા: માદમાન્‍નાનો પિતા શાફ તથા માબ્બેના તથા ગિબાનો પિતા શવા. કાલેબની પુત્રી આખ્સાહ હતી.

⁵⁰ આ પણ કાલેબના વંશજો છે: કાલેબ અને તેની પત્ની એફ્રાથનો જયેષ્ઠપુત્ર હૂર હતો. હૂર શોબાલનો પિતા હતો, શોબાલ કિર્યાથ-યારીમનો પિતા હતો.

⁵¹ સાલ્મા બેથલેહેમનો પિતા હતો. હારેફ બેથ-ગાદેરનો પિતા હતો.

⁵² કિયાર્થ- યારીમના પિતા શોબાલના વંશજો હારોએહ અને મનુહોથના અડધા ભાગના લોક હતા. કિયાર્થ-યારીમનાં કુટુંબો આ છે:

⁵³ યિથ્રીઓ, પૂથીઓ, શુમાથીઓ, તથા મિશ્રાઇઓ (સોરા અને એશ્તોઓલ શહેરોના લોક આ કુટુંબોમાંના હતા.)

⁵⁴ સાલ્મા બેથલેહેમનો સ્થાપક હતો. તે નટોફાથીઓ આટ્રોથ, બેથ, યોઆબ તથા સોરાઈનો પૂર્વજ હતો. સોરાઈ લોકો તો માનહાથમાંના બે ગોત્રો પૈકી એક ગોત્રના હતા.

⁵⁵ (લેખન કાર્યમાં પ્રવીણ એવાં આ કુટુંબો બેબેસ નગરમાં રહેતાં હતાં:) તિરાથીઓ, શિમાથીઓ, સૂખાથીઓ. તેઓ કેનીઓ હતા અને તેમને રેખાબીઓ સાથે લગ્નવ્યવહારનો સંબંધ હતો.)