SALMOS 93 - Biblia Guarani Tumpa Iñee

SALMO 93 ¡Mburuvicha guasu ko yandeYa!

¹ ¡Mburuvicha guasu ko yandeYa! ¡YandeYa oyemonde yembotuicha pe, jare oñeova mbaepuere pe! Jae oñono jenda pe kavi kuae ɨvɨ, agüɨye vaerä omɨi.

² Jayave güive ko mburuvicha guasu nde; ¡nde ko reiko avei vae!

³ CheYa Tumpa, ɨ̈aka reta jɨapu; opüa ɨaparúa reta;

⁴ ɨvate rupi, nde cheYa ndembaepuere yae ete ko, ɨ jeta vae jɨapu güi, ani ɨguasu iyɨaparúa yavaete yae vae güi.

⁵ CheYa Tumpa, ndeporookuai reta oyepoepɨmbae ko, ¡ñeñono tee ko ndero imopöraka, jekuaekuae avei rupi!