SALMOS 91 - Biblia Guarani Tumpa Iñee

SALMO 91 Imbaepuere yae ete vae iporoangareko

¹ Nde, reiko Tumpa Tuichagüe yae ete vae iporoangareko igüɨ pe vae. Reiko Imbaepuere yae ete vae ipo pe.

² Ere yandeYa pe: “Cheyeroviaka jare cheñepɨ̈roa ko nde; ¡cheTumpa, arovia jese vae!”

³ Jae ndeyorata omaepïaro vae jɨmasa güi, mbaerasɨ ovakatu vae oporomokañɨtei vae güi.

⁴ Ipepo pe ndeasoita, jare ipepo igüɨ pe nerëguambae reïta; ¡iporoangareko avei neovatuta yeopiaka rami!

⁵ Agüɨye eyemongɨɨyeuka mbaɨupochɨ pe, ani ara pe uvɨ ɨvate rupi ou vae güi.

⁶ Agüɨye ekɨɨye mbaerasɨ ovakatu vae pɨtumimbi rupi oguata vae güi, ani ara pe yayoa ñamano jeta rupi vae güi.

⁷ Omanota ndeɨpɨ pe mil, jare diez mil ndeakatu kotɨ; ërei ngatu nde ngaraa maratu.

⁸ Añetete nderesa pe etei remaeta jare reechata iyoa vae reta pe jepɨta vae.

⁹ Nde reñono ma yandeYa, neñepɨ̈roarä. Tuichagüe yae vae, jese che ayeko vae.

¹⁰ Ngaraa ou ikavimbae ndeve, mbaerasɨ ave ngaraa ou reikoa re.

¹¹ Ombouta iaraɨgua ndeve, neovatu vaerä opaete reoa rupi.

¹² Ndepoko retata ndereraja, agüɨye vaerä nepɨ̈sa-yeyuka ita re.

¹³ Yaguapope jare moitini re repɨ̈rota; yaguapope ndeigüe re repɨ̈rota, jare mbaeporou teyu guasu rami vae re.

¹⁴ “Echa iporoaɨu oñono cheré ramo, che vi aepɨta; jare añonota ɨvate, echa cheré reikuaa ramo.

¹⁵ Chereenɨita, jare che aenduta chupe; ¡jae ndive aïta mbɨatɨtɨ pe! Aepɨta jare amboeteukata.

¹⁶ Amboyekouta tekove puku pe, ¡aechaukata chupe cheporogüɨroasayepe!”