SALMOS 87 - Biblia Guarani Tumpa Iñee

SALMO 87 Mbaemboete Tumpa jëta Sión re

¹ Tëta guasu Jerusalén iguapɨka oï ɨvɨtɨ oñeñono tee vae re.

² YandeYa Tumpa oaɨu yae tëta oï ɨvɨtɨ Sión re vae, opaete Jacob iñemuña reta jëta reta yogüɨrekoa güi.

³ Tumpa jëta guasu, ndemboete yae rupi jei reta ndekotɨ vae:

⁴ “Chemaendúa Egipto re jare Babilonia re, tëta chekuaa vae reta ipɨte pe, joko vi oï Filistea, Tiro jare Etiopía, opaete kuae reta oë chugüi reta.”

⁵ Tëta guasu Sión re jei retata: “Kuae jare pea, chugüi oë reta.” Tuichagüe yae ete vae etei ko oñono.

⁶ YandeYa omoapɨtata tembikuatía pe, tëta reta jee oñemoapɨta oïa pe, jare jeita: “Kuae oë chugüi.”

⁷ Otairari vae reta jare ombaembopu vae reta jeita: “Opaete cheyekou reta anoi nderé.”