SALMOS 67 - Biblia Guarani Tumpa IñeeSALMO 67 Yemboarakuaa, opaete tëtaguasu reta omboete vaerä Tumpa 1 CheRu Tumpa, oreparareko jare ndeporerekua oreré, emae kavi oreré, 2 opaete tëtaguasu reta ɨvɨ pegua oikuaa vaerä nderemimbota jare ndeporogüɨroasayepe. 3 CheRu Tumpa, opaete vae reta tandemboete; ¡opaete vae tëta reta tandemboete! 4 Tëtaguasu reta toyerovia jare tipɨakatu; echa nde reporookuaita tëta reta re, jare reyangarekota tëtaguasu reta. 5 CheRu Tumpa, opaete vae reta tandemboete; ¡opaete vae tëta reta tandemboete! 6 Ɨvɨ pe oimeta mbaagüɨye; ¡yandeRu Tumpa iporerekuata yanderé! 7 ¡CheRu Tumpa, ndeporerekua oreré! ¡Ndegüi toipoɨu opaete ɨvɨ pegua reta! |
Biblia DC Guaraní Bolivia © Bolivian Bible Society, 2001.
Bolivian Bible Society