SALMOS 6 - Biblia Guarani Tumpa IñeeSALMO 6 Yerure mboroparareko re mbɨatɨtɨ iara pe 1 CheYa, agüɨye eñeengata cheve ndearasɨ reve, agüɨye chenupa ndearasɨ yae reve. 2 Cheparareko cheYa Tumpa, echa chembaerasɨ aï, chembogüera cheYa Tumpa, echa chekägüeäecha aï. 3 ¡Chepɨatɨtɨ jare akɨɨye yae aï! Jare nde cheYa, ¿kërai yave pa reyuta? 4 Eyu cheYa Tumpa, ¡eroasayepe cherekove! ¡Chereroasayepe ndeporoparareko rupi! 5 Echa omano vae mbaetɨ ipuere imaendúa nderé; omanogüe reta ñogüɨnoia güi, ¿kia pa imaenduata nderé? 6 Chepuere veä ma ayaeo, ¡pɨ̈tu ñavo cheräse ayaeo! Cherupa amoäkɨ cheresaɨ pe. 7 Mbɨatɨtɨ, cheresa omojäve ma, ¡cherovaicho reta jeko pegua pɨtumimbi cheve! 8 ¡Pesɨrɨ chegüi ikavimbae iyapoa reta, echa cheYa oendu cheve cheräse! 9 YandeYa oendu amoñera vae, ¡oendu cheyerure! 10 Opaete cherovaicho reta oñemomaraiukata jare okɨɨyeta; ¡güɨramoi peguaño otekuarai retata imara reve! |
Biblia DC Guaraní Bolivia © Bolivian Bible Society, 2001.
Bolivian Bible Society