SALMOS 54 - Biblia Guarani Tumpa IñeeSALMO 54 Yerure Tumpa iporomborɨ re 1 ¡Cheru Tumpa, chereepɨ nderee rupi! ¡Chereepɨ ndembaepuere pe! 2 CheTumpa, eendu cheyerure; eyeapɨsaka cheñee reta re, 3 echa ipɨarai vae reta opüa chekotɨ jare oipota cheyuka reta. ¡Oipotaä güɨrovia reta oime ko Tumpa vae! 4 Ërei ngatu Tumpa chemborɨ; cheYa ko, omee jekuaeño aikove vaerä. 5 Jae ko omboekoviata cherovaicho reta pe, ikavimbae oyapo reta rupi. ¡Emboai reta, nde ko jupi vae! 6 Chepɨa-kɨ̈reɨ reve ameeta ndeve mɨmba oyeyuka vae, amboeteta nderee cheYa Tumpa, echa ndepɨakavi ko, 7 echa nde cheyora opaete chepɨatɨtɨ reta güi, jare aecha cherovaicho reta iñamɨri. |
Biblia DC Guaraní Bolivia © Bolivian Bible Society, 2001.
Bolivian Bible Society