SALMOS 53 - Biblia Guarani Tumpa Iñee

SALMO 53 Kuimbae jeko kavimbae jare mbaetɨ arakuaa güɨnoi vae

¹ Mbaetɨ iyarakuaa vae reta oyemongeta ipɨa pe mbaetɨ ko Tumpa; opa oikomegua, oyapo ikavimbae yae vae; ¡mbaetɨ etei kia ave oyapo ikavi vae!

² Ara güi Tumpa omae kuimbae reta re, oecha vaerä oime ra kia arakuaa güɨnoi vae, oime ra kia oeka Tumpa vae.

³ Ërei metei ñavo opia Tumpa güi, opaetei oikomegua. Mbaetɨ metei ave oyapo ikavi vae, mbaetɨ metei ave yepe.

⁴ Mbaetɨ güɨnoi arakuaa ikavimbae iyapoa reta, omboendagüe oeya cherëta pegua reta, mbɨyape jou vae ramiño, jókuae mbaetɨ oyerure Tumpa pe vae reta.

⁵ Joko pe oime kɨɨye yavaetegüe, yepe tëi mbaetɨ mbae jeko pegua okɨɨye vaerä. Echa Tumpa opa omoai perovaicho reta ikägüe, ñemomarai pe opɨtata, echa Tumpa güɨröɨro reta.

⁶ ¡Mbae mona ɨvɨtɨ Sión güi ou yemborɨ Israel pe! Tumpa güeru ye yave imbae vae reta, ovɨakatu yaeta Jacob, oyerovia yaeta Israel.