SALMOS 32 - Biblia Guarani Tumpa Iñee

SALMO 32 Ñɨ̈ro güeru yerovia

¹ Toyerovia iyoa vae, jókuae mborookuai jeigüe oyapombae re iñɨ̈ro chupe vae, iyoa re Tumpa iñɨ̈ro chupe vae.

² Toyerovia kuimbae, yandeYa mbaetɨ omboeko mbaeyoa re vae, jare mbaetɨ oyekuaa jese tavɨ vae.

³ Chekïrii ramboeve, chekägüe reta indechi, chepüae opaete ara vae rupi.

⁴ Echa ara pe jare pɨ̈tu yave ndepo jeiete ipoɨ cheve; chepɨa oyerovia katuse vae, temitɨ opa ipiru kuaraɨ guasu pe rami.

⁵ Cheyoa amombeu ndeve, mbaetɨ añomi ndegüi mbaeyoa ayapogüe. Jae: “Tamombeu cheYa pe mbaetɨ iporookuai ayapo vae.” Jare nde neɨ̈ro cheyoa ikavimbae re.

⁶ Jáeramo oyerureta ndeve opaete oñeñono tee ndeveguarä vae reta, reñeväe ramboeve; añetete, ɨporu oime yave, ngaraa ojo oväe chupe reta.

⁷ Nde ko jae cheñepɨ̈roa; cheövatuta mbɨatɨtɨ güi; cheövata tairari yereroasayepe pegua pe.

⁸ YandeYa jei: “Romboeta jare aikuaaukata ndeve kërai reiko vaerä; ayangareko aveita nderé.

⁹ Agüɨye eiko ndearakuaambae kavayu rami ani mburikaguasu rami, echa kuae reta, kayurupegua jare itïguaa jeia reño yogüɨreko; echa kuaembae reve, ngaraa oya nderé.”

¹⁰ Jasɨ katu yaeta ko oiko jupimbae; ërei ngatu yandeYa re oyeko vae, mboroparareko oñova.

¹¹ Peyerovia yandeYa re, pepɨakatu jupi vae reta; petairari yerovia katu ndive, opaete ipɨa isɨmbi vae reta.