SALMOS 3 - Biblia Guarani Tumpa Iñee

SALMO 3 Yerure yandeYa pe

¹ CheYa Tumpa, jeta yae cherovaicho, jeta yae oyovaicho chekotɨ vae,

² jeta jei chekotɨ vae: “Tumpa ngaraa güɨroasayepe.”

³ Ërei nde cheYa, jae ko cheyeopiaka, cheyemboetea, chemoäta ngatu vae.

⁴ Asapúkai aiporu yemborɨ cheYa pe, jare jae oendu cheve iɨvɨtɨ oñeñono tee vae güi.

⁵ Ayapakua jare ake, jare apa ye, echa cheYa oyangareko cheré.

⁶ Ngaraa chemongɨɨye jeta yae vae, cheöva oñemopüa vaerä cheré vae.

⁷ ¡Epüa, cheYa! Chereroasayepe cheRu Tumpa. Echa nde reovapete opaete cherovaicho reta; ¡jeko pochɨ vae reta jäi remopë!

⁸ Nde cheYa reporogüɨroasayepe vae ko; ¡ndeporerekua ndembae vae reta re!