SALMOS 29 - Biblia Guarani Tumpa Iñee

SALMO 29 YandeYa imbaepuere jare iyemboetea

¹ Araɨgua reta, pemboete yandeYa, pemboete imbaepuere jare iyemboetea.

² Pemboete yandeYa, jee imboetea yae vae, pemboete yandeYa o ombaemboetea ipöra yae vae pe.

³ YandeYa iñee oyeendu ɨguasu iárambo, Tumpa iyemboetea vae jɨapu; ¡yandeYa oï ɨguasu reta iárambo!

⁴ YandeYa iñee oyeendu tätagüe, yandeYa iñee oyeendu mbaepuere yae ndive.

⁵ YandeYa iñee oyoka ɨ̈vavira reta, opa oyoka yoka ɨ̈vavira reta Líbano pegua.

⁶ Omokana ɨvɨtɨ Líbano jare Sirión; omochäguariko toro jare guaka raɨ reta rami.

⁷ YandeYa iñee omombo tataendɨ,

⁸ YandeYa iñee omokana ñuu; yandeYa omokana ñuu Cades pegua.

⁹ YandeYa iñee opa omboakambɨsoro ɨvɨra reta encina jee vae, oasavi opɨta kaa reta. Itupao pe opaete vae omboete.

¹⁰ YandeYa güɨnoi mbaepuere güeru vaerä ɨporu guasu; ¡yandeYa oiko mburuvicha guasurä jekuae avei pegua!

¹¹ YandeYa omeeta mbaepuere imbae vae reta pe; yandeYa omeeta mbɨakatu pegua mborerekua imbae vae reta pe.